• Հայ
  • Рус
  • Eng
Համագործակցության ընդլայնում Տաջիկստանի պետական բժշկական համալսարանի հետ
Համագործակցության ընդլայնում Տաջիկստանի պետական բժշկական համալսարանի հետ
12.03.2018

Երևանի Մխիթար Հերացու անվան պետական բժշկական համալսարանի հետ համագործակցությունը խորացնելու նպատակով ԵՊԲՀ-ում է Տաջիկստանի Աբուալի իբնի Սինոյի անվան պետական բժշկական համալսարանից ժամանած մասնագետների խումբը: Տաջիկստանի պետական բժշկական համալսարանի նորմալ ֆիզիոլոգիայի ամբիոնի վարիչ Ֆարիզա Խալիմովան և նույն ամբիոնի պրոֆեսոր Ֆիրուզ Շուկուրովն այսօր տեղի գործընկերների՝ Ֆիզիոլոգիայի ամբիոնի վարիչ Դրաստամատ Խուդավերդյանի և Հյուսվածաբանության ամբիոնի պրոֆեսոր Արտաշես Ազնաուրյանի հետ ԵՊԲՀ ռեկտոր Արմեն Մուրադյանին ներկայացրին համատեղ գործունեության արդյունքները և խոսեցին հետագա ծրագրերի մասին:

Արմեն Մուրադյանը կարևորեց համագործակցությունը կլինիկական, ուսումնական և հատկապես գիտական ոլորտներում: Գրեթե մեկ դար է, ինչ բժշկական բուհը մասնագետներ է պատրաստում ոչ միայն Հայաստանի, այլև արտերկրի համար: Համալսարանի միջազգայնացումն է բոլոր հիմնական աշխատանքների առանցքում:

Տաջիկստանի պետական բժշկական համալսարանի նորմալ ֆիզիոլոգիայի ամբիոնի վարիչ Ֆարիզա Խալիմովան ավելի քան 8 տասնյակ գիտական աշխատանքների հեղինակ է: Առաջիկա օրերին վերարտադրողական առողջության թեմայով պատրաստվում է իր դոկտորական ատենախոսությունը պաշտպանել ԵՊԲՀ-ում: Պատահական չի ընտրել հենց մեր համալսարանը: Իր խոսքով՝ քաջ ծանոթ է բուհի պատմությանը, ինչպես նաև բժշկագիտության ոլորտում ձևավորած ավանդույթներին: Թե´ Խորհրդային Միության տարիներին և թե´ դրան հաջորդող ժամանակաշրջանում իր ղեկավարած ամբիոնը սերտորեն համագործակցում է ԵՊԲՀ ֆիզիոլոգիայի ամբիոնի հետ: Պրոֆեսոր Ֆիրուզ Շուկուրովն անձամբ իրենց համալսարանի ռեկտորի անունից ԵՊԲՀ ռեկտորին փոխանցեց իրենց կողմից կազմակերպվող ամառային 8-րդ դպրոցին մասնակցելու հրավերը:  

Երկարամյա գործակցությունը ընդլայնելու համար առաջիկայում միջբուհական երկկողմ ծրագրեր կմշակվեն: