• Հայ
  • Рус
  • Eng
Հերթական փորձարարական վիրահատությունը՝ Օպերատիվ վիրաբուժության և տեղագրական անատոմիայի ամբիոնում
Հերթական փորձարարական վիրահատությունը՝ Օպերատիվ վիրաբուժության և տեղագրական անատոմիայի ամբիոնում
02.07.2019

Օպերատիվ վիրաբուժության և տեղագրական անատոմիայի ամբիոնում հերթական գործնական հմտության դասաժամն էր:

ԵՊԲՀ երրորդ կուրսի ուսանողները Օպերատիվ վիրաբուժության և տեղագրական անատոմիայի ամբիոնի վարիչ Սեմյոն Օրդույանի գլխավորությամբ կատարեցին վիրահատություն ճագարի վրա:

Ուսանողները, նախքան վիրահատությունը սկսելը, ուսումնափորձարարական վիրասրահում ծանոթացան վիրասրահի աշխատանքների կազմակերպմանը, որից հետո կատարեցին ճագարի հաստ աղու մասնատում:

Սիմյոն Օրդույանը մեզ հետ զրույցում նշեց՝ գործնական դասաժամը կարևոր է նրանով, որ ուսանողներին ոչ միայն հնարավորություն է տալիս կատարելագործել ստացած գիտելիքները, այլև ծանոթանալ վիրահատական այնպիսի նրբություններին, որոնք շատ կարևոր են վիրահատության ժամանակ:

Ամբիոնի վարիչը նաև նշեց, որ կենդանիների վրա փորձարարական վիրահատություններ հաճախակի են կատարվում, և վիրահատություններից հետո կենդանիները շարունակում են ապրել: