• Հայ
  • Рус
  • Eng

Երևանի Մխիթար Հերացու անվան պետական բժշկական համալսարանը հայտարարում է 2020/2021 ուսումնական տարվա ընդունելություն հետևյալ մասնագիտություններով`

  1. Բուժական գործ,
  2. Ստոմատոլոգիա,
  3. Ֆարմացիա,
  4. Բուժական գործ զինված ուժերում:

Անընդհատ և ինտեգրացված կրթական ծրագրի ուսման տևողությունը ընդհանուր բժշկության և ռազմաբժշկական ֆակուլտետներում 6 տարի է, ստոմատոլոգիական ֆակուլտետում՝ 5 տարի: Բակալավրի որակավորման կրթական ծրագրի ուսման տևողությունը դեղագիտական ֆակուլտետում 4 տարի է: Համալսարան կարող են դիմել միջնակարգ (լրիվ), միջին մասնագիտական կրթությամբ Հայաստանի Հանրապետության և օտարերկրյա քաղաքացիները` առանց տարիքի սահմանափակման:

Դիմորդներին իրավունք է վերապահվում իրենց ընտրությամբ միասնական (ընդունելության) քննություններ հանձնելու «Ֆիզիկա» (գրավոր), «Քիմիա» (գրավոր), «Կենսաբանություն» (գրավոր) մրցութային երեք առարկաներից՝ մեկը:

Ընդունելության քննությունների մրցույթների արդյունքները հաստատվում են հանրապետական ընդունող հանձնաժողովի որոշմամբ` ըստ ՀՀ կառավարության պետական բարձրագույն ուսումնական հաստատությունների 2012/2020թ.-ի ընդունելության կարգի:

Դիմորդներն ընդունելության համար ներկայացնում են հետևյալ փաստաթղթերը.

Դիմում-հայտ, որը լրացվում է առցանց՝ մուտք գործելով dimord.am կայք:

Ընդունվելուց հետո դիմորդներն անհրաժեշտ փաստաթղթերը ներկայացնում են բուհ:

Dimord.am կայքում դիմումներն ընդունվում են 2020թ.-ի մայիսի 5-ից մինչև հունիսի 15-ը ներառյալ:

Ընդունելության քննություններն անցկացվում են 2020թ.-ի հուլիսի 1-8-ը ընկած ժամանակահատվածում:

Օտարերկրյա քաղաքացիների և սփյուռքահայ դիմորդների ընդունելության մասին կարող եք ծանոթանալ հետևյալ հղմամբ

Լրացուցիչ տեղեկությունների համար մինչև սույն թվականի հուլիսի 30-ը ներառյալ կարող եք դիմել ընդունող հանձնաժողով կամ զանգահարել (060) 651 474 (011) 621 061, 077 235 828, 077 368 077 հեռախոսահամարներով, աշխատանքային օրերին, ժամը՝ 10:00-18:00 :

 

Բժիշկների շարքերը համալրվեցին 889 երդվյալով

06.07.2020
«Հերացի» թիվ 1 համալսարանական հիվանդանոցային համալիրի պատմական շենքի բակում Մխիթար Հերացու անվան պետական բժշկական ...