«Պացիենտի անվտանգության և բուժծառայությունների որակի բարելավման ժամանակակից մոտեցումները» դասընթաց

«Պացիենտի անվտանգության և բուժծառայությունների որակի բարելավման ժամանակակից մոտեցումները» թեմայով հավաստագրային դասընթացը ինտենսիվ ծրագիր է, որն իրականացվում է Երևանի Մխիթար Հերացու անվան պետական բժշկական համալսարանի Հանրային առողջության ֆակուլտետի կողմից:

«Պացիենտի անվտանգության և բուժծառայությունների որակի բարելավման ժամանակակից մոտեցումները» թեմայով հավաստագրային դասընթացի նպատակն է բժշկական ոլորտի ներկայացուցիչներին տրամադրել պացիենտի անվատանգությունն ապահովող տարբեր պրոցեսների ներդրման մեթոդաբանության, բուժծառայությունների որակի բարելավման, ինչպես նաև խնդրի վերլուծության համակարգի վերաբերյալ գիտելիքներ և գործնական հմտություններ:

Ծրագրի բովանդակությունը

1. Պացիենտի անվտանգության զարգացման ժամանակագրություն, հիմնական սահմանումներ
2. Համակարգի պրիզմայի կիրառումը առողջապահության ոլորտում
3. Պացիենտի անվտանգության մշակույթ
4. Պացիենտի գոհունակություն
5. Պատահարի հաղորդում
6. Անվտանգության մշակույթի ամրապնդում թիմային աշխատանքի միջոցով
7. Բարելավման ծրագրի պլանավորում
8. A3 մտածողություն

Ծրագրի ավարտին տրամադրվում է հավաստագիր հաստատված ԵՊԲՀ-ի և ՀՀ ԱՆ-ի կողմից և ՇՄԶ 22 կրեդիտ:

Մանրամասներ

• Տևողություն`2024թ. փետրվարի 27-ից – մարտի 21-ը
• Դասերի օրերը`երեքշաբթի և հինգշաբթի՝ 16:00-19:00
• Մասնակիցների քանակը`մինչև 25
• Դասավանդման լեզուն`հայերեն
• Վայրը`Երևանի Մխիթար Հերացու անվան պետական բժշկական համալսարան 
• Արժեքը՝ 60.000 ՀՀ դրամ (ԵՊԲՀ աշխատակիցների և շրջանավարտների համար՝ 30.000 ՀՀ դրամ)

Թիրախային լսարան

• Բուժհաստատությունների ղեկավարներ և տնօրեններ
• Բուժ անձնակազմ
• Հասարակայնության հետ կապերի պատասխանատուներ

Անհրաժեշտ փաստաթղթերի ցանկ՝ 

• Անձնագիր (բնօրինակը և պատճենը)
• Դիպլոմ (բնօրինակը և պատճենը)
• Աշխատանքի վայրից տեղեկանք (աշխատանքի առկայության դեպքում):

Ընդունելության գործընթաց

Դիմումների ընդունում՝ 13.02.2024 – 27.02.2024

Հարցերի դեպքում դիմել ԵՊԲՀ հանրային առողջության ֆակուլտետի դեկանատ (ԵՊԲՀ, վարչական մասնաշենք, 3-րդ հարկ):

Հեռ: 010 301 000 (ներքին համար`308), 091 837 212: