Հանրային առողջության և առողջապահության կազմակերպման ամբիոնի Բռնության և վնասվածքների կանխարգելման կենտրոնը հրավիրում է մասնակցելու «Ժամանակակից խնդիրները կանխարգելիչ բժշկության մեջ» 2-րդ միջազգային համաժողովին, որը կկայանա սեպտեմբերի 22-28-ը, ինչպես նաև ամառային դպրոցին, որը տեղի կունենա սեպտեմբերի 22-26-ը՝ Երևանի Մխիթար Հերացու անվան պետական բժշկական համալսարանում:
Ուսանողները, ասպիրանտները և երիտասարդ հետազոտողները կարող են մասնակցել բանավոր կամ պաստառային զեկուցումներով։ Ընդունված թեզիսները կհրապարակվեն։
Թեզիսների ընդունման վերջնաժամկետը մայիսի 1-ն է։
«Ժամանակակից խնդիրները կանխարգելիչ բժշկության մեջ» ամառային դպրոցը մասնակիցներին հնարավորություն կտա ձեռք բերել նոր գիտելիք և մասնագիտական փորձ, ինչպես նաև ծանոթանալ համաճարակաբանության, հետազոտական մեթոդների և կանխարգելիչ բժշկության այլ կարևոր թեմաների հետ։
ԱՄՆ-ից, Ռումինիայից, Վրաստանից և Մոլդովայից հրավիրված մասնագետները կկիսվեն իրենց փորձով և գիտելիքով։
Մասնակիցների քանակը սահմանափակ է, և միայն ընտրված թեկնածուները հնարավորություն կունենան մասնակցելու։
Համաժողովի և ամառային դպրոցի գրանցումը պարտադիր է։
Խնդրում ենք գրանցվելու համար օգտվել հետևյալ հղումներից՝
Համաժողովի գրանցման հղում՝ https://rb.gy/3nroda
Ամառային դպրոցի գրանցման հղում՝ https://rb.gy/p13h3g
Լրացուցիչ հարցերի դեպքում կարող եք դիմել Հանրային առողջության և առողջապահության կազմակերպման ամբիոնի վարիչ Արտաշես Թադևոսյանին՝ Artashes.Tadevosyan@meduni.am