Գրադարան

ԵՊԲՀ գրադարանը բժշկական առաջին գրադարանն է հանրապետությունում: Այն հիմնադրվել է 1930թ. և ունենցել է 5500 գիրք:

Ներկայումս գրադարանն ունի ավելի քան 510 հազար գիրք և շուրջ 8 հազար ընթերցող` պրո­ֆե­սո­րա­դա­սա­խո­սա­կան անձնակազմ, ուսանողներ, ասպիրանտներ, օրդինատոր­ներ, առողջա­պա­հու­թյան համակարգի աշխատակիցներ:

Գրքային հարստությունն իր մեջ ներառում է՝

• գրապահոց (մենագրություններ, գիտական աշխատություններ, սեղմագրեր, ատենախոսություններ, պարբերական մամուլ),
• ուսումնական գրականություն,
• օտարալեզու գրականություն (անգլերեն, ռուսերեն, ֆրանսերեն, գերմաներեն),
• ընթերցասրահի ուսումնական, տեղեկատվական բնույթի գրքեր:

Առանձին հոգածությամբ են պահպանվում առաջին դասագրքերը, երախտավոր բժիշկների մակագ­րու­թյամբ գրքերը: Գրադարանը սերտորեն համագործակցում է ուսումնամեթոդական վարչության, դեկանատ­ների, ամբիոն­ների, ուսանողական խորհրդարանի հետ:

Գրադարանն ապահովված է Wi-Fi ինտերնետային կապով:

ԵՊԲՀ-ի էլեկտրոնային գրադարանից օգտվելու համար դիմել  www.ysmubooks.am ինտերնետային հասցեով:

Համալսարանը ստացել է հասանելիություն EBSCO ընկերության գիտական ​​և կրթական էլեկտրոնային ռեսուրսներին: Այս պահի դրությամբ ԵՊԲՀ բոլոր սովորողներին և աֆիլացված աշխատակիցներին հասանելի են հետևյալ ռեսուրսները.

1. Medline Ultimate՝ «Medline» տվյալների շտեմարանների ամենաբարձր տարբերակի բժշկական գիտական ​​հրապարակումների բազա: Այս տվյալների բազան պարունակում է 3105 լրիվ տեքստային գիտական ​​ամսագիր (ներառյալ 1650 փակ հասանելիությամբ հրապարակում՝ ընթացիկ ամբողջական տեքստով, որոնցից 1550-ն ինդեքսավորված է Scopus-ում կամ Web of Science-ում): Տվյալների բազայի գիտական ​​բովանդակությունը ներկայացված է արտասահմանյան առաջատար հրատարակչությունների կողմից, ինչպիսիք են Springer Nature, Wiley-Blackwell, Taylor & Francis, John Wiley & Sons, BioMed Central, Oxford University Press, Sage Publications, Karger AG, Hindawi Limited, Elsevier B.V. և շատ ուրիշներ։ Տվյալների բազայում ներկայացված հիմնական առարկայական ոլորտները ներառում են կենսագիտության, կենսաբժշկության, առողջապահության կառավարման և բժշկության ընդհանուր հարցեր, ինչպես նաև բիոինժեներություն, մոլեկուլային և բջջային կենսաբանություն, գենետիկա և այլն: Բացի այդ, Medline Ultimate-ը ներառում է ԱՄՆ Բժշկության ազգային գրադարանի կողմից մշակված բժշկական առարկայական ռուբրիկատոր՝ MeSH (Բժշկական առարկայական գլխագրեր):
2. eBooks Medical Subscription Collection՝ էլեկտրոնային գրքերի ամբողջական տեքստային հավաքածու բժշկական մասնագետների և բժշկական բուհերի ուսանողների համար, որը ներառում է ավելի քան 4200 գիրք առաջատար արտասահմանյան հրատարակչություններից՝ HCPro, McGraw-Hill Education, Oxford University Press, Thieme Medical Publishing Inc. և այլն, վիրաբուժության, գինեկոլոգիայի և մանկաբարձության, թերապիայի, մաշկաբանության, ակնաբուժության, քիթ-կոկորդ-ականջաբանության, ֆարմակոլոգիայի, մանկաբուժության և բժշկության այլ ոլորտներում։
3. Scientific & Medical Art Imagebase՝ բժշկական պատկերների, նկարազարդումների և այլ մեդիա ֆայլերի հավաքածու ավելի քան 20 բժշկական ուղղություններով, ինչպիսիք են անատոմիան, կենսաբանությունը, հյուսվածքաբանությունը, հիվանդությունները, պաթոլոգիան, հոգեբանությունը, վնասվածքաբանությունը, վիրաբուժությունը, սաղմնաբանությունը և այլն: Ռեսուրսը պարունակում է ավելի քան 24000 բժշկական պատկեր, ավելի քան 1200 անիմացիոն նյութ, 250+ մենագրական նյութ, 43 վերապատրաստման պատրաստի ծրագիր։ Հարթակը ներառում է 14 տարբեր լեզուներ (ներառյալ ռուսերենը), դրա ֆունկցիոնալությունը հնարավորություն է տալիս նախադիտել պատկերները, օգտատերերի մեկնաբանությունները և պարունակում է նյութեր խմբագրելու և տարածելու գործիքներ:
4. Dynamed-ն ապացույցների վրա հիմնված բժշկության ռեսուրս է, որն ապահովում է արագ հասանելիություն տվյալ ոլորտի փորձագետների կողմից հաստատված ապացույցների վրա հիմնված տեղեկատվությանը: Ռեսուրսը պարունակում է գիտական ​​հոդվածների ակնարկներ և վերլուծություններ, բժշկական պրակտիկայի լավագույն ապացույցներ, օրինակներ առաջատար փորձագետների պրակտիկայից, բուժման վերաբերյալ առաջարկություններ՝ ապացույցների մակարդակի գնահատմամբ (բարձր, միջին, ցածր):

Բոլոր ռեսուրսները հասանելի են անսահմանափակ թվով օգտվողների կողմից միաժամանակ դիտելու և ներբեռնելու համար: Ռեսուրսներ մուտք գործելու համար անհրաժեշտ է օգտագործել հետևյալ հղումը. https://search.ebscohost.com

Մուտքն ապահովվում է ԵՊԲՀ կամպուսում՝ IP հասցեի միջոցով։ 

Գրադարանից օգտվելու կարգը

Գրադարանից օգտվելու իրավունք ունեն համալսարանի աշխատակիցներն ու բոլոր սովորողները: Հանրապետության պետական բուհերի ուսանողները, այլ կազմակերպությունների աշխատակիցները կարող են օգտվել միայն ընթերցասրահից ԵՊԲՀ ուսումնական աշխատանքների գծով պրոռեկտորի համաձայնության դեպքում:

• Գրադարանում գրանցվելու համար անհրաժեշտ է ներկայացնել անձնագիր, 3×4 չափի մեկ լուսանկար, վճարովի համակարգում սովորողները՝ վարձավճարի մուծման կտրոն:
• Ուսանողներին դասագրքերը տրվում են ուսումնական ծրագրերին համապատասխան` մինչև առար­կայի ավարտը: Գիրքը ժամանակին չվերադարձնելու դեպքում ընթերցողը չի սպասարկվում:
• Գիրքը կորցնելու կամ վնասելու դեպքում ընթերցողից պահանջվում է նույն գրքից կամ գրադարանին անհրաժեշտ համարժեք այլ գիրք:
• Ընթերցասրահում սպասարկումը կատարվում է ուսանողական տոմսերով:
• Ընթերցասրահում ուսումնական գրականությունից բացի կարելի է պատվիրել լրացուցիչ բազմաբնույթ գրականություն:
• Մեկ օրինակ գրքից, տեղեկատու հրատարակություններից, ատենախոսություններից, հազվագյուտ գրքերից, պարբերականներից կարելի է օգտվել միայն ընթերցասրահում:

Գրադարանը գտնվում է լաբորատոր մասնաշենքի 2-րդ հարկում:

Գրադարանն աշխատում է՝

Ընթերցասրահն աշխատում է՝

Հեռ.՝                (+37410) 301 059

Էլ. փոստ՝       library@ysmu.am