Ուսուցումը ԵՊԲՀ-ում
ԵՊԲՀ-ում ուսուցումն իրականացվում է տարբեր մասնագիտություններով բակալավրիատի, մագիստրատուրայի, անընդհատ և ինտեգրացված կրթական ծրագրերով, ինչպես նաև կլինիկական օրդինատուրայում, ասպիրանտուրայում:
ԵՊԲՀ-ն առաջարկում է 1 բակալավրական, 3 անընդհատ և ինտեգրացված ու 5 մագիստրոսական կրթական ծրագիր:
| Մասնագիտություն | Որակավորման աստիճան | Տևողությունը | Ուսուցման ձևը | Կրեդիտ* | |
| Բուժական գործ | անընդհատ և ինտեգրացված | 6 տարի | 12 կիսամյակ | առկա | 360 կրեդիտ |
| Ստոմատոլոգիա | անընդհատ և ինտեգրացված | 5 տարի | 10 կիսամյակ | առկա | 300 կրեդիտ |
| Դեղագիտություն | բակալավրիատ | 4 տարի | 8 կիսամյակ | առկա | 240 կրեդիտ |
| մագիստրատուրա | 1 տարի | 2 կիսամյակ | առկա | 60 կրեդիտ | |
| Բուժական գործ զինված ուժերում | անընդհատ և ինտեգրացված | 6 տարի | 12 կիսամյակ | առկա | 360 կրեդիտ |
| Հանրային առողջություն և առողջապահություն** | մագիստրատուրա | 1,5 տարի | 3 կիսամյակ | առկա | 90 կրեդիտ |
| Կառավարում | մագիստրատուրա | 1 տարի | 2 կիսամյակ | առկա | 60 կրեդիտ |
| Հետբուհական կրթություն*** | կլինիկական օրդինատուրա | 1-4 տարի | 2-8 կիսամյակ | առկա | – |
| ասպիրանտուրա | 3 տարի | 6 կիսամյակ | առկա | 180 կրեդիտ | |
| 4 տարի | 8 կիսամյակ | հեռակա | 180 կրեդիտ | ||
* յուրաքանչյուր կիսամյակ՝ 30 կրեդիտ, բացառությամբ հեռակա ասպիրանտուրայի:
** մագիստրոսական ծրագրերը մանրամասն տե՛ս համապատասխան բաժնում:
*** բուհում իրականացվում է հանրապետությունում սահմանված հետդիպլոմային բժշկական կրթություն՝ կլինիկական օրդինատուրա, ավելի քան 80 մասնագիտություններով: Բժիշկների, ստոմատոլոգների, դեղագետների, միջին բուժաշխատողների և դեղագործների համար կազմակերպվում է նաեւ շարունակական մասնագիտական կրթություն և լրացուցիչ (նեղ) մասնագիտական կրթություն:
Ուսումնական տարին բաղկացած է երկու կիսամյակից:
Ուստարվա առաջին կիսամյակը սկսվում է սեպտեմբերի 1-ին և ավարտվում դեկտեմբեր-հունվար ամիսներին: Առաջինից երրորդ կուրսերում ձմեռային քննաշրջանն անցկացվում է հունվարին, իսկ բարձր կուրսերում՝ կիսամյակի ընթացքում: Երկրորդ կիսամյակը սկսվում է փետրվարի սկզբին և ավարտվում մայիս-հունիս ամիսներին: Առաջինից երրորդ կուրսերում ամառային քննաշրջանը կազմակերպվում է հունիսին, իսկ բարձր կուրսերում՝ կիսամյակի ընթացքում: Ամառային արձակուրդի ընթացքում անցկացվում է ուսումնական պրակտիկա: