Նոյեմբերի 29-ին, ժամը՝ 15.00-ին, ԵՊԲՀ ՔՈԲՐԵՅՆ կենտրոնում տեղի կունենա սեմինար՝ նվիրված դրամաշնորհ գրելու հիմունքներին:
Հանդիպման հատուկ հյուրն է ԵՊԲՀ ՔՈԲՐԵՅՆ կենտրոնի խորհրդատվական մարմնի անդամ, Վարշավայի Մոլեկուլային և բջջային կենսաբանության միջազգային ինստիտուտի գիտության գծով փոխտնօրեն, լաբորատորիայի ղեկավար, պրոֆեսոր Յասեկ Յավորսկին: Պրոֆեսորը մասնագիտացված է մոլեկուլային և բջջային նեյրոկենսաբանության ոլորտում։
Միջոցառման շրջանակում պրոֆեսորը կկիսվի պրակտիկ հմտություններով, որոնք կօգնեն դրամաշնորհ և հաջողակ հոդված գրելու ընթացքում:
Սեմինարին ԵՊԲՀ գիտության գծով պրոռեկտոր, ՔՈԲՐԵՅՆ կենտրոնի գլխավոր գիտաշխատող, պրոֆեսոր Կոնստանտին Ենկոյանը կներկայացնի հայ գիտնականների համար հասանելի դրամաշնորհները:
ԵՊԲՀ ՔՈԲՐԵՅՆ գիտելիքի և տեխնոլոգիաների փոխանցման գրասենյակի կողմից կազմակերպվող հերթական սեմինարը նախատեսված է հետազոտողների, գիտնականների, ուսանողների և բոլոր նրանց համար, ովքեր ցանկանում են սովորել դրամաշնորհին դիմելու քայլերը և տիրապետել ակադեմիական հոդված գրելու նրբություններին:
Հաշվի առնելով, որ տեղերը սահմանափակ են, մասնակցության համար անհրաժեշտ է նախապես գրանցվել հղմամբ՝
