Առողջապահական իրավունքի կրթական խումբ

Բժշկական համալսարանում «Իրավունք» առարկան դասավանդ­վում է 1977 թվականից:

Մինչև 1988 թվականը դասավանդվել է որպես «Խորհրդային իրավունք» առարկա:

1988 թվականից 2012 թվականը դասավանդվել է որպես «Իրավագիտություն» առարկա:

2012 թվականին, առաջինը Հայաստանում՝ Բժշկական համալսարանում ներդրվել է «Առողջապահական իրավունք» առարկան:

Բժշկական համալսարանում առողջապահական իրավունք առարկան դասավանդվում է Առողջապահական իրավունքի կրթական խմբի կողմից, որը հիմնադրվել է 2012 թվականին, որպես մասնագիտացված ուսումնագիտական կառույց:

«Առողջապահական իրավունքը»` իրավագիտության որոշակի մաս է, որի մեջ են մտնում իրավունքի տարբեր ճյուղերի մարդու առողջությանը, բժշկությանը, հանրային առողջապահությանը վերաբերող իրավահարաբերությունները: Այն իր մեջ ներառում է սահմանադրական իրավունքի, քաղաքացիական իրավունքի, վարչական իրավունքի, քրեական իրավունքի, կորպորատիվ իրավունքի և իրավունքի այլ ճյուղերի առողջապահությանն առնչվող որոշակի մասեր:

Առողջապահական իրավունքի ուսումնասիրությունների առարկան է՝ առողջա­պահական իրավահամակարգը, բժշկական գործունեությունը, պացիենտների և բժիշկների իրավունքներն ու պարտակա­նությունները, բժշկական էթիկայի կանոնները, բուժաշխատողների պատասխանատվությունը, առողջապահական կազմակերպություն­ները, պետության դերն առողջապա­հության, բժշկական օգնության և սպասարկման հարաբերություններում, առողջապահության կազմա­կերպման գործում:

Առողջապահական իրավունք առարկան նախատեսված է և դասավանդվում է Բժշկական համալսարանի ընդհանուր բժշկության, ռազմաբժշկական, ստոմատոլոգիական, դեղագիտական, հանրային առողջության ֆակուլտետներում, կլինիկական օրդինատու­րայում, ինտերնատուրայում, ասպիրան­տուրայում, քոլեջում:

Առողջապահական իրավունք առարկան ամփոփված է դասա­խոսությունների ժողովածուի մեջ, որը ներառում է հետևյալ դասախոսությունները և թեմաները.