Դեղերի տեխնոլոգիայի ամբիոն

Ամբիոնի վարիչի ՝ բ.գ.դ., Հակոբ Վարդանի Թոփչյան

Դեղերի տեխնոլոգիայի ամբիոնը հիմնադրվել է 1974 թվականին: Ամբիոնը ղեկավարել են՝

• պրոֆ. Թ.Ս. Թադևոսյանը (1974-1989թթ)
• պրոֆ. Տ.Լ. Վիրաբյանը (1989-1996թթ)
• դոցենտ Ա. Ե. Սահակյանը (1996-1998թթ)
• պրոֆ. Հ.Վ. Թոփչյանը (1998-ից առ այսօր)

Ամբիոնում ուսուցումն իրականացվում է դեղագիտական ֆակուլտետի ուսանողների համար երեք լեզուներով: Ամբիոնում դասավանդվում են հիմնական մասնագի­տա­կան առարկաներ:

III կուրսի ուսանողներին դասավանդվում է «Դեղերի դեղատնային տեխնոլոգիա» առարկան (2 կիսամյակ տևողությամբ), որի դասընթացներն ավարտվում են բանավոր քննությամբ և ուսումնական պրակտիկայով:

IV կուրսում ցիկլային պարապմունքների տեսքով ուսուցանվում է «Պատրաստի դեղաձևերի տեխնոլոգիա» առարկան, իսկ ցիկլի վերջում անց է կացվում բանավոր քննություն:

 Առարկաների ուսուցումն իրականացվում է հիմնականում ամբիոնում, ինչպես նաև դեղատներում և գործարաններում: Ծրագրով նախատեսված թեմատիկ նյութն ուսանողներին մատուցվում է դասախոսությունների և գործնական պարապմունքների տեսքով:

Անգլալեզու և ռուսալեզու ուսանողների համար V և VI կիսամյակներում անգլերեն և ռուսերեն լեզվով դասավանդվում է «Դեղերի դեղատնային տեխնոլոգիա» առարկան, որն ավարտվում է բանավոր քննությամբ, VII և VIII կիսամյակներում դասավանդվում է «Պատրաստի դեղաձևերի տեխնոլոգիա» առարկան՝ ցիկլային դասընթացի տեսքով և ցիկլը եզրափակվում է բանավոր քննությամբ: IX և X կիսամյակներում դասավանդվում են «Դեղագործական տեխնոլոգիա», «Կոսմետիկ դեղաձևերի տեխնոլոգիա»  և «Դեղագործական կենսատեխնոլոգիա» առարկաները:

Հետդիպլոմային ուսուցումը

Հետդիպլոմային ուսուցումը շարունակվում է մագիստրատուրայում 1 տարի տևողությամբ: Մագիստրոսներն ուսուցանվում են «Դեղագործական տեխնոլոգիա», «Կոսմետիկ դեղաձևերի տեխնոլոգիա» և «Դեղագործական Կենսատեխնոլոգիա» առարկաների ծրագրերով, որի ընթացքում ուսանողները ստանում են առավել խորը գիտելիքներ ամբիոնի մասնագիտական առարկաներից միաժամանակ:

Ուսուցման որակի բարելավման նպատակով Դեղերի տեխնոլոգիայի ամբիոնի բազաներն են հանդիսանում հետևյալ դեղագործական կազմակերպությունները՝

• «Լիկվոր» ՍՊԸ
• «Էսկո-ֆարմ » ՍՊԸ
• «Արփիմեդ» ՍՊԸ
• Երևանի քիմիադեղագործական ֆիրմա
• «Վիպեկո AM» ՍՊԸ
• Դեղատուն «Նատալի-ֆարմ» ՍՊԸ
• Դեղատուն «Լևոն և Լամարա» ՍՊԸ
• Դեղատուն «Մագտոնի » ՍՊԸ

Ամբիոնը համալրված է մի շարք երիտասարդ կադրերով, որոնք մասնակցում են ամբիոնի գիտահետազոտական աշխատանքներին: Գիտահետազոտական աշխատանքներն ամբիոնում անցկացվում են հիմնականում հետևյալ ուղությամբ՝ «Դեղաբուսական հումքից կենսաբանորեն ակտիվ պատրաստուկների տեխնոլոգիական գործընթացի մշակումը և ֆարմակոլոգիական ակտիվության ուսումնասիրությունը»: Ամբիոնում ներդրվել են բույսերից կենսաբանական ակտիվ նյութերի անջատման և դրանց ուսումնասիրման մեթոդներ, ինչպես նաև ֆիթոպատրաստուկների և կենսաբանական ակտիվ հավելումների պատրաստման տեխ­նոլոգիական գործընթացների մշակում: Որոշ դեղաբույսերի հիպոլիպիդեմիկ, հակաիշե­միկ, հակաօքսիդանտային, ակնապաշտպան ազդեցության ուսումնասիր­ման նպատակով մշակվել և ամբիոնում ներդրվել են փորձարարական մոդելներ՝ հիպերլիպիդեմիայի, լոկալ իշեմիայի, ածխաջրատային և ճարպային փոխանակության մի շարք կենսաքիմիական ցուցանիշների որոշման մեթոդներ: Ուսոմնասիրվել են Հայաստանի Ֆլորայի տարբեր բույսերի հակամանրէնային, հակավիրուսային և հակասնկային ազդեցությունները, որոնց հիման վրա մշակվել և ստեղծվել են նոր դեղաձևեր և նոր համակցություններ: Ուսոմնասիրվել են  կաթնաթթվային բակտերիաների թերապևտիկ նշանակությունները, որոնց նույնպես կիրառել են տարբեր դեղաձերի ստեղծման մեջ:    Ուսանողները նույնպես մասնակցում են ամբիոնի գիտահետազոտական աշխատանքներին, որոնք ամփոփվում են թեզիսների և հոդվածների տեսքով:

Ամբիոնի աշխատակիցները ամեն տարի մասնակցում են դեղագետների միջազգային կոնֆերանսներին, ինչպես նաև մասնագիտական վերապատրաստման ծրագրերին:

Ամբիոնի աշխատակիցների կողմից տարեկան հրապարակվում են և ուսումնական և գիտական աշխատանքներ:

Ամբիոնում իրենց գործունեությունն են ծավալում 11 աշխատակիցներ՝ 1 պրոֆեսոր, 2 դոցենտ՝ դեղագիտական և քիմիական գիտությունների թեկնածուներ, դ.գ.թ.,և ք.գ.թ., 4 դասախոս, 3 ասիստենտ և 1 լաբորանտ: