Համազորային պատրաստության ցիկլ

«Համազորային պատրաստության» ցիկլի նախապատմությունը սկսվում է դեռևս 1930-ական թվականներից, երբ Երևանի բժշկականի ինստիտուտում սկսվեց ընդհանուր զինվորական պատրաստության դասավանդումը: Սկզբնական շրջանում այն կոչվել է «Ռազմական սեղան», որը տվել է միայն ռազմական գիտելիքներ:

1940թ. ձևավորվեց «Ռազմագիտության» ամբիոնը, որը 1954թ. վերանվանվեց «Ռազմաբժշկության» ամբիոնի, իսկ այնուհետև, 1991թ.՝ «Բժշկական ծառայության կազմակերպման և մարտավարության» ամբիոնի: 1994-2008թթ-ին գործել է «Բժշկական ծառայության կազմակերպման և մարտավարության ամբիոնի» կազմում` որպես «Ընդհանուր զինվորական պատրաստության» ցիկլ: 2008թ. առանձնացել է որպես ինքնուրույն ցիկլ՝«Համազորային պատրաստության» ցիկլ անվանմամբ:

Ցիկլում դասընթացների հաճախում են ԵՊԲՀ բոլոր ֆակուլտետների և քոլեջի ուսանողները:

Ցիկլում դասավանդումն իրականացվում է 3 լեզուներով՝հայերեն, ռուսերեն և անգլերեն:

 1998-2003թ. ցիկլը ղեկավարել է գնդապետ Ս.Ե. Սահակյանը: 2003թ-ից առ այսօր ցիկլը ղեկավարում է փոխգնդապետ Գ.Մ. Թումասյանը:

Ցիկլում գիտական աստիճան և կոչում ունեցող դասախոսներ չկան:

ՌԲՖ համազորային պատրաստության ցիկլում դասերի են հաճախում․

1. ԵՊԲՀ բոլոր ֆակուլտետների ուսանողները, ինտերները և կլինօրդինատորները՝ «Ընդհանուր զինվորական պատրաստություն» առարկայի շրջանակներում,
2. ԵՊԲՀ քոլեջի ուսանողները (բուժական գործ, քույրական գործ, ատամնետեխնիկական գործ, դեղագործություն, լաբորատոր ախտորոշում, պրոթեզիստ-օրթեզիստ-տեխնիկ)՝ «Ընդհանուր զինվորական պատրաստություն» և «Նախնական զինվորական պատրաստություն» առարկաների շրջանակներում։

Ցիկլի անձնակազմն իրականացնում է գիտամանկավարժական գործունեություն, նվիրված՝ լեռնային և բարձր լեռնային պայմաններում մարտերի վարման տարբեր ձևերի ժամանակ զորքերի գործնեության հիմնախնդիրներին, ինչպես նաև՝զինվորական կարգապահության և զինվորական կոլեկտիվներում դրա ամրապնդման առանձնահատկություններին և սկզբունքներին:

Ցիկլի անձնակազմի կողմից մշակվել և տպագրվելէ 10-ից ավելի հոդված և 2 ուսումնական ձեռնարկ՝§Ընդհանուր զինվորական պատրաստություն¦ և §Ռազմական տեղագրություն¦ առարկաներից: