(+37410) 47 23 10
h_minasyan@hotmail.comՊատմություն
Հիմնադրվել է 2011թ.-ին (1925թ.):
Ամբիոնի վարիչի պարտականությունները կատարող` Հարություն Լեոնիդի Մինասյան, բժշկական գիտությունների թեկնածու, դոցենտ
Ամբիոնը ձևավորվել է 1925թ.-ին Երևանի պետական համալսարանի բժշկական ֆակուլտետի կազմում, երբ դեռ նոր էր ձևավորվում բժշկագիտության բարձրագույն դպրոցը: Այն կազմավորելու գործում մեծ դեր է ունեցել Սանկտ-Պետերբուրգի ռազմաբժշկական ակադեմիայի սան, Հայաստանի բժիշկների ընկերության նախագահ, պրոֆեսոր Համբարձում Սերաֆիմի Քեչեկը:
1940-1956թթ.-ին ամբիոնը ղեկավարել է Սանկտ-Պետերբուրգի ռազմաբժշկական ակադեմիայի մեկ ուրիշ սան, ակադեմիկոս Ռուբեն Հովսեփի Յոլյանը, ով 1938թ.-ից Հայաստանի վիրաբույժների ընկերության նախագահն էր: Նրա ղեկավարությամբ այդ տարիներին հրատարակվել են «Ռազմադաշտային վիրաբուժություն», «Մասնավոր վիրաբուժություն» դասագրքերը, հիմնադրվել է Հեմատոլոգիայի գիտահետազոտական ինստիտուտը:
1956-1971թթ.-ին ամբիոնը ղեկավարել է պրոֆեսոր Ռուբեն Լազարի Պարոնյանը, ով մշակել է լյարդի պունկցիայի ու արդյունքների գնահատման մեթոդիկան, միաժամանակ «Մասնավոր վիրաբուժություն» դասագրքի առաջին մասի հեղինակն է:
1971-1988թթ.-ին ամբիոնը ղեկավարել է պրոֆեսոր Սուրեն Զաքարի Հովհաննիսյանը: Ամբիոնը եղել է վիրաբուժության հզոր դարբնոց, այնտեղից են սերել ճանաչված վիրաբույժներ ու գիտնականներ Հ.Հ. Մինասյանը, Ն.Ա. Գալստյանը, Ս.Ք. Ավդալբեկյանը, Ա.Ս. Միդոյանը, Ս.Զ. Հովհաննիսյանը և ուրիշներ:
1988-2008թթ.-ին ամբիոնը ղեկավարել է պրոֆեսոր Հովհաննես Վազգենի Սարուխանյանը:
2011թ.-ին վիրաբուժության թիվ 1 ամբիոնի հիման վրա ձևավորվեցին վիրաբուժության թիվ 3 և վիրաբուժության թիվ 4 ամբիոնները:
2011-2022թթ․-ին վիրաբուժության թիվ 3 ամբիոնը շարունակել է ղեկավարել պրոֆեսոր Հովհաննես Վազգենի Սարուխանյանը: Նա 1987թ.-ից ղեկավարել է Հայաստանի վիրաբույժների ընկերությունը, եղել է ՀՀ առողջապահության նախարարության գլխավոր մասնագետը:
2000թ.-ին Հովհաննես Վազգենի Սարուխանյանի ջանքերով հիմնադրվել է Հայկական վիրաբուժություն-XXI պրոֆեսիոնալների միությունը: Նրա նախաձեռնությամբ 2003թ., 2008թ. և 2013թ.-ին կազմակերպվել են համահայկական միջազգային վիրաբուժական համաժողովները:
2022թ․-ի ապրիլից ամբիոնի վարիչի պարտականությունների կատարումը ստանձնել է դոցենտ Հարություն Լեոնիդի Մինասյանը։
Ամբիոնում իրենց գիտամանկավարժական և բժշկական գործունեությունն են անցել այնպիսի հեղինակավոր մասնագետներ, ինչպիսիք են պրոֆեսորներ Հ.Մ. Քուշկյանը, Գ.Գ. Մխոյանը, Լ.Հ. Մինասյանը, Մ.Մ. Միրիջանյանը, Ա.Մ. Մինասյանը, գիտությունների թեկնածու Հ.Կ. Սարկավագյանը և ուրիշներ:
Ուսուցում
Ամբիոնում ուսուցումը կազմակերպվում է ընդհանուր բժշկության և ռազմաբժշկական ֆակուլտետի 4-րդ, 5-րդ և 6-րդ կուրսի և ստոմատոլոգիական ֆակուլտետի 4-րդ կուրսի տեղացի և արտասահմանցի ուսանողների, ինչպես նաև հետբուհական` կլինիկական օրդինատորների, վերապատրաստում անցնող վիրաբույժների և ասպիրանտների համար: Ուսուցման ընթացքում դասերն անցկացվում են վիրասրահներում, վիրաբուժական և ախտորոշիչ բաժանմունքներում: Գործնական պարապմունքների ժամանակ ուսանողները մասնակցում են հիվանդների զննմանը, վիրակապություններին, վիրահատություններին, ինչպես նաև մասնակցում են գիշերային հերթապահություններին:
Ամբիոնի կլինիկական բազաներն են՝
- «Էրեբունի» բժշկական կենտրոն,
- Միքայելյան համալսարանական հիվանդանոց,
- «Նաիրի» բժշկական կենտրոն,
- «Իզմիրլյան» բժշկական կենտրոն,
- «Աջափնյակ» բժշկական կենտրոն,
- «Նորք-Մարաշ» բժշկական կենտրոն:
Գիտահետազոտական աշխատանքներ
Գիտահետազոտական աշխատանքներ
Ամբիոնի թեման է` «Մեծահասակների (60 և ավելի) խմբում որովայնի խոռոչի վիրաբուժական հիվանդությունների և վնասվածքների բուժման առանձնահատկությունները»:
Ամբիոնում կատարվում են գիտահետազոտական աշխատանքներ նաև հետևյալ թեմաներով.
- Պոլիտրավմաների պաթոգենեզի, կանխարգելման և բուժման հիմնահարցերը
• Ռելապարատոմիաների ցուցումները և իրականացվող ծավալների վերլուծությունը - Covid -19 վիրուսային ինֆեկցիայի ազդեցությունը վիրաբուժական
պաթոլոգիաների ընթացքի վրա։
Ամբիոնի կազմը
| Ազգանուն Անուն Հայրանուն | Ամբիոնում զբաղեցրած պաշտոն | Գիտական աստիճան | Գիտական կոչում |
| Մինասյան Հարություն Լեոնիդի | ամբիոնի վարիչ պարտականությունները կատարող, բ.գ.թ., դոցենտ | բ.գ.թ. | – |
| Հովհաննիսյան Արտակ Կառլենի | բ.գ.դ., պրոֆեսոր | բ.գ.դ. | պրոֆեսոր |
| Ուզանկիչյան Ալեքսանդր Արմենի | բ.գ.դ., պրոֆեսոր | բ.գ.դ. | – |
| Ադամյան Անդրանիկ Իսրայելի | բ.գ.դ., պրոֆեսոր | բ.գ.դ. | – |
| Հարությունյան Յուրի Անուշավանի | բ.գ.դ., պրոֆեսոր | բ.գ.դ. | պրոֆեսոր |
| Ասատրյան Արսեն Ռաֆիկի | բ.գ.թ., դոցենտ | բ.գ.թ. | – |
| Օհանյան Անդրանիկ Ամրայի | բ.գ.թ., դոցենտ | բ.գ.թ. | – |
| Վարդանյան Արտակ Սամվելի | բ.գ.թ., դոցենտ | բ.գ.թ. | – |
| Զաքարյան Սամվել Չուբարի | բ.գ.թ., դոցենտ | բ.գ.թ. | – |
| Կարապետյան Կարեն Գագիկի | բ.գ.թ., ավագ դասախոս | բ.գ.թ. | – |
| Մինասյան Արմեն Համբարձումի | բ.գ.թ., դասախոս | բ.գ.թ. | – |
| Ալեքսանյան Արթուր Բորիսի | բ.գ.թ., դասախոս | բ.գ.թ. | – |
| Ոսկանյան Վարդան Սերգեյի | բ.գ.թ., դասախոս | բ.գ.թ. | – |
| Արազյան Դավիթ Ռոբերտի | բ.գ.թ., դասախոս | բ.գ.թ. | – |
| Սողոմոնյան Գագիկ Սերյոժայի | դասախոս | – | – |
|
Սարգսյան Ռոբերտ Էդուարդի |
ասիստենտ | – | – |
| Ադամյան Տիգրան Անդրանիկի | ասիստենտ | – | – |
| Կուրղինյան Մուշեղ Ռոբերտի | ասիստենտ | – | – |
| Թորոսյան Գոհար Երջանիկի | համակարգչային օպերատոր | – | – |