• Հայ
  • Рус
  • Eng
Բուժաշխատողների անձնվեր աշխատանքը միշտ բարձր է գնահատվում
Բուժաշխատողների անձնվեր աշխատանքը միշտ բարձր է գնահատվում
21.06.2021

Սպիտակ բանակի սիրելի և անպարտելի մարտիկներ, ջերմորեն շնորհավորում եմ բոլորիդ մասնագիտական տոնի առթիվ:

Բարեխղճորեն կատարելով ձեր ամենօրյա աշխատանքը՝ վերադարձնում եք հավատ ու հույս՝ նպաստելով կյանքի վերաիմաստավորմանն ու վերարժևորմանը: Ձեր կարեկցանքը, ինքնազոհությունը, սրտացավությունը, պատասխանատվության բարձր զգացումն օգնեցին հայ ժողովրդին համավարակի օրերին: Ձեզ հատուկ անմնացորդ նվիրումը, մարդասիրությունն ու հայրենասիրությունը նպաստեցին հազարավոր հայորդիների ապաքինմանը 44-օրյա պատերազմի օրերին և դրան հաջորդող ժամանակահատվածում:

Վստահ եղեք՝ ձեր անձնվեր աշխատանքը միշտ բարձր է գնահատվում:

Սիրելի՛ բուժաշխատողներ, մաղթում եմ ուժ և տոկունություն ձեր վեհ ու պատասխանատու առաքելության իրականացման ընթացքում։

Առողջ եղե՛ք: Թող ձեր ընտանիքներում թևածեն սերն ու երջանկությունը:

 

 

ԵՊԲՀ ռեկտոր

Արմեն Մուրադյան