• Հայ
  • Рус
  • Eng

Հուլիսի 15-17-ը առցնաց հարթակում Էրազմուս+ ARMDOCT «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» ծրագրի շրջանակներում անցկացվեց կարողությանների զարգացման վերապատրաստում:

«Դոկտորական կրթության քաղաքականություններ և կառուցվածքներ» խորագրով վերապատրաստմանը մասնակցում էին ծրագրի գործընկեր հաստատությունների ներկայացուցիչներ Հայաստանից, Լիտվայի, Ֆրանսիայից, Պորտուգալիայից և Իտալիայից, ինչպես նաև ծրագրի արտաքին շահառուներ։

ԵՊԲՀ-ն, հանդիսանալով ARMDOCT ծրագրի գործընկեր համալսարան, նույնպես մասնակցում էր վերապատրաստմանը: 

Վերապատրաստման նպատակն էր ծանոթանալ ծրագրի գործընկեր երկրներում (Ֆրանսիա, Իտալիա, Լիտվա և Պորտուգալիա) դոկտորական կրթության քաղաքականությանը և կառուցվածքին։  Ժան-Մուլին Լիոնի 3 համալսարանի, Թերամոյի համալսարանի, Վիլնյուսի համալսարանի, ինչպես նաև Պորտուգալիայի կաթոլիկ համալսարանի ներկայացուցիչները ներկայացրեցին պետության և բուհերի միջև հարաբերությունները, ինչպես նաև դոկտորական կրթության քաղաքականության նպատակներն ու գերակայությունները:

Անդրադարձ կատարվեց նաև հետազոտությունների ռազմավարությանը, դոկտորական կրթության ֆինանսավորմանը, դոկտորական կրթության կազմակերպման մեջ գործարար ոլորտի ներգրավվածությանը: Հուլիսի 17-ին տեղի ունեցավ պլենար քննարկում ՀՀ կրթության, գիտության, մշակույթի և սպորտի նախարարության ներկայացուցչի համակարգմամբ «Դոկտորական կրթության մարտահրավերներն ու հնարավորությունները» թեմայով, ինչպես նաև ծրագրի համակարգման հանդիպում։

Ծրագրի վերաբերյալ առավել մանրամասն կարող եք ծանոթանալ պաշտոնական կայքից. www.armdoct.com 

100-ամյակը՝ մեկ պատկերում 10.09.2020

11.09.2020
Արվեստն ու բժշկությունը միշտ զուգակցվել են. կյանքեր փրկելն ու արարելը գրեթե նույն գործն են. կարծում է Երեւանի պետական ...