ԵՊԲՀ առողջապահության ծրագրերի ազգային գիտահետազոտական կենտրոնի ստեղծումն իրականացման ճանապարհին է
18/01/2022
Հայաստանը կունենա նոր որակի Առողջապահության ծրագրերի ազգային գիտահետազոտական կենտրոն, որը կլինի մրցունակ անգամ տարածաշրջանում: Նմանատիպ կառույցի ստեղծումն անհրաժեշտություն է։
Սրընթաց փոփոխվող առողջապահական մարտահրավերները պահանջում են որոշումներ ընդող մարմիններից հստակ՝
ապացուցողական հենք ունեցող
միջազգային լավագույն փորձի վրա հիմնված
տեղի իրավիճակին համապատասխանող
իրական կյանքում կենսունակ որոշումների ընդունում։
Կովիդ-19 համաշխարհային ճգնաժամն առավել արդիական դարձրեց գիտության և գործնական առողջապահության միջև արդյունավետ կապի անհրաժեշտությունը։ Օրինակ՝ դեռևս մինչև համավարակը գիտնականները կանխատեսում էին, որ անկառավարելի համավարակի արդյունքում՝
Հայաստանի ՀՆԱ անկումը կարող էր կազմել 2%
Բարձր եկամուտներով երկրներինը՝ 0,5%
Փաստացի անկումը կազմեց, համապատասխանաբար` 7,4% և 4,7 %:
Բազմաթիվ կառավարություններին կից ստեղծվեցին գիտնականներից և փորձագետներից կազմված խորհուրդներ, սակայն ցավոք, ոչ բոլորը հետևեցին մասնագետներին։Օրինակ․
Բրազիլիայի նախագահ, Jair Bolsonaro-ը Սենատի կողմից մեղադրվում է Covid-19-ի դեմ պայքարի գիտական մոտեցումներն անտեսելու մեջ, որի հետևանքով մահացել են հարյուրհազարավոր բրազիլիացիներ։
Արդյունքում, որոշում է կայացվել հիմնել ԵՊԲՀ առողջապահության ծրագրերի ազգային գիտահետազոտական կենտրոն, որը տեղեկատվական-վերլուծական աշխատանքներ է իրականացնելու հետևյալ ուղղություններով և լինելու է առողջապահապան ոլորտում որոշումներին աջակող կառույց:
Առողջապահության բնագավառում պետական քաղաքականության մշակման, իրագործման, արդյունքների գնահատման վերաբերյալ խորհրդատվության տրամադրում.
Իրավական ակտերի նախագծերի վերաբերյալ մասնագիտական դիրքորոշման տրամադրում՝ պետական կառավարման մարմիններին (ՀՀ ԱԺ, ՀՀ կառավարություն, քաղաքականություն մշակող գերատեսչություններ).
Ընթացիկ, արդի և հանրային հետաքրքրություն ներկայացնող առողջապահական հիմնահարցերի մշտադիտարկում, վերլուծություն, կանխատեսումների իրականացում և ազդեցության գնահատում.
Առողջապահության ոլորտի լայն շրջանակի (մարդկային ներուժի զարգացում, ֆինանսավորում, ծառայությունների մատուցում, բժշկական օգնության և սպասարկման որակի բարելավում և այլն) հայեցակարգերի, ռազմավարությունների, միջոցառումների ծրագրերի մշակում.
ԵՊԲՀ առողջապահության ծրագրերի ազգային գիտահետազոտական կենտրոնը, տեղեկատվական-վերլուծական աշխատանքներ է իրականացնելու հետևյալ ուղղություններով
Այլ միջազգային համալսարանների նմանատիպ կառույցների հետ համագործակցության հարթակների ստեղծում.
Ոլորտային քննարկումների կայուն հարթակի ստեղծում և տրամադրում.
Բժշկական հաստատությունների, բժշկական հաստատությունների ցանցերի զարգացման ծրագրերի մշակմանն խորհրդատվական ծառայությունների իրականացում.
Շահագրգիռ կողմերի պատվերով գիտական հետազոտությունների, թիրախային սոցիոլոգիական հարցումների իրականացնում.
