Էթիկայի կոմիտե
Էթիկայի Կոմիտեի հերթական նիստը տեղի կունենա ապրիլի 17-ին: Փաստաթղթերի ընդունման վերջնաժամկետը ապրիլի 3-ն է:
ԵՊԲՀ Էթիկայի Կոմիտեի հիմնական նպատակը առողջապահության՝ բժշկագիտության, դեղագիտության ոլորտներում դեղագիտական հետազոտությունների անցկացման, լաբորատոր կենդանիների հետ կապված հետազոտության, մարդկանց ներգրավմամբ կլինիկական, էթիկական և բարոյական հարցերի, ինչպես նաև Համալսարանի աշխատողների, սովորողների և այլ անձանց վարքագծային և էթիկական հարցերի քննարկումն է:
Էթիկայի Կոմիտեի նիստերը տեղի են ունենում ամիսը 1 անգամ` նախավերջին շաբաթվա հինգշաբթի օրը: Փաստաթղթերի հանձնման վերջնաժամկետը նիստից 14 օր առաջ է:
Նախքան նիստը, դիմումատուի հետ տարվում է փաստաթղթերի բացատրման, հավաքագրման, կազմակերպման աշխատանքներ: Պատրաստի փաթեթը ներկայացվում է ԷԿ-ի նախագահին, նա մակագրում է դիմումը և ներառում օրակարգ: ԷԿ-ի քննարկմանը պահանջվող փաստաթղթերը դիմորդը ներկայացնում է հայերեն լեզվով՝ ստորև բերված պահանջների համապատասխան: Եթե հայտը ամբողջովին համապատասխանում է պահանջներին, ապա ընդգրկվում է նիստի օրակարգում: Եթե աշխատանքը չի համապատասխանում ԷԿ-ի պահանջներին, չի ընդունվում քննարկման համար: Այդ դեպքում դիմորդին բացատրվում է մերժման պատճառը:
Փաթեթը, մինչև քննարկումը, ուղարկվում է ԷԿ-ի կողմից նշանակված գրախոսին՝ ըստ մասնագիտության, ով գրում է կարծիք աշխատանքի էթիկական մասով: ԷԿ-ի անդամները նախապես ծանոթանում են համապատասխան փաստաթղթերին: Դիմումատու հետազոտողը պետք է մասնակցի այն նիստին, որտեղ քննարկվում է իր աշխատանքը, իսկ ղեկավարը կարող է մասնակցել հայտի քննարկմանը, ըստ անհրաժեշտության արտահայտել կարծիք կամ այն ուղարկել էլ. փոստով՝ գաղտնիության պայմանով:
Քննարկման ընթացքում ուշադրություն է դարձվում հետևյալ խնդիրներին՝
- հետազոտության ձևավորում, խնդիրների և նպատակների համապատասխանություն էթիկայի նորմերին,
- հետազոտության մեջ ռիսկի և օգտի պատճառաբանում,
- ստուգիչ խմբերի կիրառման նպատակահարմարություն,
- հետազոտությունը ընդմիջելու կամ դադարեցնելու ցուցանիշներ,
- հնարավորությունների համապատասխանություն հետազոտության խնդիրների և նպատակների իրականացման համար,
- հետազոտողների կազմի քննարկում,
- հետազոտվողների ընտրության սկզբունքները,
- բուժօգնության մատուցում և հետազոտության մասնակիցների շահերի պաշտպանություն.
- ֆինանսական և ոչ ֆինանսական վնասի փոխհատուցում հետազոտության մասնակիցներին վնաս պատճառելու դեպքում,
ԷԿ-ի պատասխան եզրակացությունը տրվում է գրավոր և կարող է լինել՝ 1) դրական, 2) դրական` դիտողություններով, 3) բացասական:
Էթիկայի Կոմիտեն հաշվառված է Մարդկանց մասնակցությամբ հետազոտությունների տվյալների պահպանման միջազգային բազայում (IRB -Institutional Revew Boarding):
Կոմիտեի կազմը
Կոմիտեի կազմում ընդգրկված է կլինիկական և տեսական ուղղվածությամբ 19 մասնագետ:
Կապ մեզ հետՀեռ․ (010) 301000, ներքին՝ 307 |
Հայտարարություն
Հարգելի՛ հետազոտող,
Էթիկայի Կոմիտեում չի կարող քննարկվել՝
- աշխատանքը, որն արդեն ավարտված է և բացակայում է Հիվանդի Տեղեկացված Համաձայնագիրը, անգամ այն դեպքում, երբ այն ընդունվել է տպագրության:
- հարցաշարը, որը չի հաստատվել որևէ այլ կառույցում և արդեն կիրառվել է:
Նմանատիպ աշխատանքներ քննարկելն արդեն էթիկայի սահմանած կանոններից դուրս է:
Կո՛չ ենք անում, փաթեթը պատրաստելիս, ուշադիր հետևել պահանջվող փաստաթղթերի ցանկին, այն լիարժեք ներկայացնելու համար: