Առնետների ոսկրածուծից և ծայրամասային արյունից ստացված մոնոցիտների նյարդապաշտպան դերը ալցհեյմերյան տիպի ex vivo նեյրոդեգեներացիայի դեպքում
|
Ալցհեյմերի հիվանդությունը (ԱՀ) տարեցների շրջանում հանդիպող նեյրոդեգեներատիվ ախտաբանական երևույթ է: Հիվանդների մեծամասնության շրջանում նկատվում է հիշողության վաղ կորուստ, ծանր դեպքերում առկա են նաև լեզվական խանգարումներ, կողմնորոշման կորուստ և անհանգստություն: Ամիլոիդոգենեզը և ամիլոիդային պեպտիդային ագրեգատների կուտակումները բերում են նեյրոնների մահվանը, որը և ԱՀ զարգացման հիմնական մեխանիզմն է համարվում: Ալցհեյմերի հիվանդության համապատասխան մոդելների ուսումնասիրությունը կարևոր է ԱՀ պաթոգենեզի պարզաբանման և համարժեք բուժման մշակման տեսանկյունից: Նեյրոնների էներգետիկ նյութափոխանակության խախտման հետևանքով, ինչպես նաև ամիլոիդային պեպտիդի առաջացման արդյունքում զարգացող օքսիդատիվ սթրեսը ԱՀ էթիոպաթոգենետիկ գործոն է: Այսպիսով, ընթացիկ նախագծի առաջին մասը նվիրված է ԱՀ նոր տեսակի մոդելի ex vivo մշակմանը, որի հիմքում ընկած է բետա-ամիլոիդային կուտակումների և օքսիդատիվ սթրես հրահրող մեխանիզմների համաժամանակյա ազդեցությունը: Ծրագրի երկրորդ մասի ընթացքում նախատեսվում է ուսումնասիրել մոնոցիտների հնարավոր նպաստավոր դերը նեյրոն-մոնոցիտ բջջային համատեղ կուլտուրայում: |
Ժամանակահատված՝ Ղեկավար՝ կ.գ.դ., պրոֆեսոր Ծածկագիր՝ 21T-3A327 Տևողություն՝ 36 ամիս Բյուջե՝ 22.500.000 ՀՀ դրամ |