Նեյրոնային զարգացման և աճի տեղաշարժերի տրանսլյացիոն հետազոտությունը որպես աուտիզմի սպեկտրի խանգարումների առանցքային պաթոգենետիկ մեխանիզմ
|
Հաշվի առնելով աուտիզմի սպեկտրի խանգարումների (ԱՍԽ) տարածվածության զգալի աճը և չպարզաբանված պատճառագիտությունը՝ այս ոլորտում առաջադեմ հետազոտությունները միտված են հանրային առողջության հարաճող մտահոգությունները փարատելուն և ԱՍԽ-ով անհատների կյանքի որակի բարելավմանը: Այս հնգամյա նախագծի նպատակն է ուսումնասիրել ԱՍԽ կարևոր ասպեկտները՝ բացահայտելով մայրական աուտոհակամարմինների և վալպրոյաթթվի (ՎՊ) ազդեցությունը նեյրոնների զարգացման և սինապտիկ ցանցերի ձևավորման վրա՝ օգտագործելով առնետային մոդելներ: Նախագծի նպատակներն են՝ • Բացահայտել աուտոիմուն մեխանիզմների դերը ԱՍԽ-ի պաթոգենեզում, հատկապես կենտրոնանալով պտղի՝ ուղեղի անտիգենների հանդեպ խնամակցություն ցուցաբերած մայրական աուտոհակամարմինների դերի վրա. •Նեյրոզարգացման ընթացքում հայտնաբերել խոցելիության ժամանակային պատուհանները, երբ մայրական աուտոհակամարմինները կամ ՎՊ-ի ազդեցությունը հանգեցնում են նեյրոնների կառուցվածքի և ֆունկցիայի զգալի փոփոխությունների. •Ուսումնասիրել ԱՍԽ-ի կանխարգելման հնարավորությունը՝ մշակելով մոտեցումներ շրջանառությունից յուրատիպ աուտոհակամարմինները հեռացնելու համար: Այս ուսումնասիրության մեջ առանձնահատուկ ուշադրություն է դարձվելու մեր կողմից ստացված հիմնական արդյունքների և կլինիկական իրողության մեջ գործնական կիրառությունների միջև եղած բացը կամրջելուն՝ հնարավորություն ընձեռելով տրանսլյացիոն մոտեցումների մշակմանը: |
Ժամանակահատված՝ Ղեկավար՝ կ.գ.դ., պրոֆեսոր Ծածկագիր՝ 23LCG-3A020 Տևողություն՝ 60 ամիս Բյուջե՝ 176.000.000 ՀՀ դրամ |