+374 10 301 000, Ներքին՝ 306
arm.msp.ysmu@gmail.com
Երևանի պետական բժշկական համալսարանի ուսանողական խորհրդարանը հիմնադրվել է 1992թ.-ին։ Այն ԵՊԲՀ ուսանողական ինքնակառավարման ընտրովի ներկայացուցչական մարմին է։ Կոչված է ապահովելու ուսանողական ինքնավարության և ինքնակառավարման գործընթացները, նպաստելու ուսանողների հասարակական, գիտական, ինտելեկտուալ, ստեղծագործական, մշակութային, բարոյական և հոգևոր զարգացմանը։
Ստորև ներկայացվում են ուսանողական խորհրդարանի կողմից իրականացվող ծրագրերը տարբեր ոլորտներում.
Ուսումնակրթական և գիտական ոլորտում
- Ուսանողական գիտական համաժողովների կազմակերպում Առարկայական մրցույթների կազմակերպում և հաղթողների պարգևատրում
- Ուսանողական համագումարների կազմակերպում
- Բնակչության իրազեկում հիվանդությունների միջազգային օրերի մասին
Լրատվության և տեղեկատվության ոլորտներում
- Ուսանողական խորհրդարանի և համալսարանի բոլոր ծրագրերի հրապարակում
- Հայտնի հաղորդումների ադապտացիա բժշկական ոլորտում և դրանց նկարահանում
Միջազգային ոլորտներում
- «English club» խմբակ
- Ֆեյսբուքյան հարթակում ուսանողների իրազեկում միջազգային կրթական ծրագրերի և կրթաթոշակների մասին
- Ռուսաստանյան«Բժիշկ-կամավորներ»
-ի ներկայացուցչություն Հայաստանում - «Առողջ ապրելակերպ» քարոզարշավ
- Այց սահմանամերձ գոտիներ` բուժական և բարեգործական նպատակներով
Սոցիալական և առողջապահական ոլորտներում
- Այցեր մանկատներ և ծերանոցներ
- Ուսանողական շաբաթօրյակներ
- Ուսանողական խորհրդարանը կազմակերպում է նաև ուսանողների ազատ ժամանցը և հանգիստը.
Մշակութային և մարզական ոլորտներում
- «Ոսկե աշուն» և «Ուսանողական գարուն» փառատոններ
- Ապրիլի 24-ի քայլերթ
- Մարտի 8-ին նվիրված միջոցառում
- Ֆոտոցուցահանդեսների կազմակերպում
- Գրական գեղարվեստական երեկոների անցկացում
- Մերձեցման երեկոներ առաջին կուրսեցիների և արտասահմանցի ուսանողների համար
- Ամանորյա երեկույթ
- Բանավեճի ակումբի կազմակերպում
- Stand up ելույթներ
2000, 2001, 2002 և 2003 թվականներին ԵՊԲՀ ուսանողական խորհրդարանը արժանացել է «Հայկյան» մրցանակին՝ որպես տարվա լավագույն ուսանողական ինքնակառավարման մարմին, իսկ 2004թ. Ուսանողական խորհրդարանի «Մեդիկուս» ամսաթերթը ճանաչվել է լավագույն ուսանողական պարբերական։
ԵՊԲՀ ցանկացած ուսանող, կլինիկական օրդինատոր և ինտերն կարող է մասնակցել ուսանողական խորհրդարանի գործունեությանը։ Պարզապես անհրաժեշտ է այցելել ուսանողական խորհրդարանի սենյակ։