Մասնագիտական կրթության որակի ապահովման ազգային կենտրոնը (ՈԱԱԿ) իրականացնում է փորձագիտական բազայի համալրում

Մասնագիտական կրթության որակի ապահովման ազգային կենտրոնը (ՈԱԱԿ) իրականացնում է փորձագիտական բազայի համալրում և հայտարարում է փորձագետների թեկնածուների հավաքագրում։

Փորձագիտական բազան համալրվում է հետևյալ ուղղություններով․

1. Իրավագիտություն
2. Տնտեսագիտություն, ֆինանսներ, կառավարում
3. Քաղաքագիտություն, միջազգային հարաբերություններ
4. Տեղեկատվական տեխնոլոգիաներ
5. Մաթեմատիկա, քիմիա, աշխարհագրություն, երկրաբանություն, կենսաբանություն
6. Բուժական գործ, ստոմատոլոգիա, ֆարմացիա
7. Մանկավարժություն, հոգեբանություն
8. Պատմություն, արևելագիտություն
9. Արվեստ, սպորտ

ՈԱԱԿ Փորձագիտական խմբի ձևավորման կարգի համաձայն՝ փորձագետների բազայում ընդգրկվելու համար պարտադիր է ունենալ առնվազն գիտությունների թեկնածուի գիտական աստիճան։

Բացի գիտական աստիճանից, ակնկալվում է, որ թեկնածուն ունենա մասնագիտական փորձառություն կամ կարողություններ հետևյալ ոլորտներից առնվազն մեկում․

• ինստիտուցիոնալ կամ կրթական ծրագրերի գնահատում,
• կառավարման և ռազմավարական ծրագրերի մշակում կամ իրականացում,
• դասավանդում և հետազոտություն (առնվազն 3 տարվա փորձ),
• որակի ներքին ապահովման գործընթացների գնահատում և տվյալների վերլուծություն։

Խնդրում ենք ապահովել հայտարարության տարածումը բուհի համապատասխան ստորաբաժանումներում և աջակցել հետաքրքրված թեկնածուների մասնակցությանը փորձագիտական աշխատանքներում։

Գրանցումն իրականացվում է հետևյալ հղմամբ:

Թեկնածուների գրանցման վերջնաժամկետն է սույն թվականի մարտի 13-ը։

Ներկայացված թեկնածուները կընդգրկվեն ընտրության և մասնագիտական զարգացման գործընթացում՝ մասնակցելով ՈԱԱԿ-ի կողմից կազմակերպվող վերապատրաստումներին և մասնագիտական քննարկումներին։