Առողջապահության համաշխարհային կազմակերպությունը ԵՊԲՀ-ն ճանաչում է որպես ՀՀ միակ պետական բժշկական բուհը, որը ներառված է «Բժշկական բուհերի համաշխարհային հաշվեցուցակում» (World Directory of Medical Schools): ԵՊԲՀ-ն ճանաչված է տարբեր երկրների բժշկական խորդուրդների կողմից:

ԵՊԲՀ-ն համագործակցության սերտ կապեր է հաստատել տարբեր երկրների բժշկա­կան համալսարանների, առողջապահական և միջազգային կազմակերպու­թյուն­ների հետ՝ բարձրագույն բժշկական կրթության և առողջապահության բնագավառներում: ԵՊԲՀ-ն անդամակցում է միջազգային մի շարք կազմակերպությունների։

Դրանցից են`

• Համալսարանների միջազգային ասոցիացիան,
• Բժշկական կրթության համաշխարհային ֆեդերացիան` որպես Եվրոպայում բժշկական կրթության ասոցիացիայի անդամ,
• Եվրոպայում ատամնաբուժական կրթության ասոցացիան,
• Ատամնաբույժ ուսանողների ասոցիացիաների միջազգային ֆեդերացիան,
• Դեղագետ ուսանողների միջազգային ֆեդերացիան,
• Եվրոպայի բժիշկ ուսանողների ասոցիացիան,
• Համաշխարհային համալսարանների հեռահար ուսուցման ասոցիացիան,
• Ատամնաբույժ ուսանողների ասոցիացիաների միջազգային ֆեդերացիան։

ԵՊԲՀ-ն ընդգրկված է նաև միջազգային գիտակրթական տարբեր, այդ թվում՝ Horizon 2020, Erasmus+, Համաշխարհային Բանկի ծրագրերում:

Միջազգային համագործակցության արդյունքում ուսանողների և աշխատակիցների համար հաստատվել են փոխանակային բազմաթիվ ծրագրեր: Մեծաթիվ ուսա­նողներ կարճաժամկետ պրակտիկա են անցնում արտասահմանյան հիվանդանոցներում, ինչը, ներկայիս համընդհանրացման դարաշրջանում, անկասկած, նպաստում է առաջատար մասնագետներ կրթելուն:

ԵՊԲՀ ղեկավարությունը, խիստ կարևորելով միջազգային համագոր­ծակ­ցու­թյան անհրաժեշտությունը և ըստ արժանվույն գնահատելով դրա հեռագնա արդյունավետությունը, կնքել և վերակնքել է համագործակցության տարբեր համաձայնագրեր Եվրոպայի, Միջին Ասիայի և ԱՄՆ-ի հեղինակավոր համալսարանների հետ:

Համալսարանը համագործակցում է հետևյալ համալսարանների հետ՝

«Էրազմուս+» նախագծի շրջանակներում՝

• Պորտոյի համալսարան – Պորտուգալիա,
• Սանտիագո դե Կոմպոստելայի համալսարան – Իսպանիա,
• Թբիլիսիի Պետրե Շոթաձեի բժշկական ակադեմիա—Վրաստան,
• Մալագայի համալսարան – Իսպանիա,
• Գրանադայի համալսարան – Իսպանիա,
• Սալոնիկի Արիստոտելի համալսարան – Հունաստան,
• Թբիլիսիի պետական բժշկական համալսարան—Վրաստան,
• Սանտիագո դե Կոմպոստելայի համալսարան-Իսպանիա,
• Կատանիայի համալսարան—Իտալիա,
• Տերնոպոլի Իվան Հորբաչևսկի համալսարան—Ուկրաինա,
• Վիլնյուսի համալսարան—Լիտվա,
• Բուկովինայի պետական բժշկական համալսարան—Ուկրաինա:

Ուղիղ համագործակցություն օտարերկրյա համալսարանների հետ՝

• Փարիզի Արևելյան Կրետեյ Վալ դե Մարն համալսարան, Ֆրանսիա,
• Մյունսթերի համալսարան, Գերմանիա,
• Թբիլիսիի պետական բժշկական համալսարան, Վրաստան,
• Էքս-Մարսելի համալսարան, Ֆրանսիա,
• Կոլումբիայի համալսարանի հոգաբարձուները Նյու Յորքում, ԱՄՆ,
• Մերսերի համալսարանի բժշկության դպրոց, Ջորջիայի նյարդավիրաբուժական ինստիտուտ, ԱՄՆ,
• Բոստոնի համալսարանի բժշկական դպրոց, ԱՄՆ,
• Ակակի Ծերեթելիի պետական համալսարան, Վրաստան,
• Ջեֆերսոնի ուլտրաձայնային հետազոտական և կրթական ինստիտուտ Թոմաս Ջեֆերսոնի համալսարան, ԱՄՆ,
• Օստրավայի համալսարան, Չեխիա,
• Տոր Վերգատայի համալսարան, Հռոմ, Իտալիա,
• Կլոդ Բերնարդ Լիոնի թիվ 1 համալսարան, Ֆրանսիա,
• Հարավարևելյան Նորվեգիայի համալսարան, Նորվեգիա,
• Սանտիագո դե Կոմպոստելայի համալսարան, Իսպանիա,
• Օտտո ֆոն Գերիքեի համալսարան Մագդեբուրգ, Գերմանիա,
• Ռեյմսի Շամպայն-Արդեն համալսարան, Ֆրանսիա,
• Հաննովերի բժշկական դպրոց, Գերմանիա,
• Մոսկվայի պետական բժշկական և ստոմատոլոգիական համալսարան Ա.Ի. Եվդոկիմով, ՌԴ,
• Նիկոլայ Տեստեմիտանուի պետական բժշկության և դեղագործության համալսարան, Մոլդովա,
• Ի.Մ.Սեչենովի անվան պետական բարձրագույն մասնագիտական ուսուցման պետական դաշնային ֆինանսավորվող ուսումնական հաստատություն, ՌԴ,
• Մոսկվայի առաջին պետական բժշկական համալսարան, ՌԴ,
• Ստավրոպոլի պետական բժշկական համալսարան, ՌԴ,
• Ն.Լ.Պիրոգովի անվան Ռուսաստանի ազգային հետազոտական բժշկական համալսարան, ՌԴ:

ԵՊԲՀ-ն նպատակ ունի ոչ միայն շարունակել և ամրապնդել առկա համագործակ­ցու­թյուն­ները, այլև ընդլայնել գործընկերության շրջանակները:

Առավել մանրամասն տեղեկությունների համար կարելի է դիմել ԵՊԲՀ Միջազգային համագործակցության բաժին: