Երևանի Մխիթար Հերացու անվան պետական բժշկական համալսարանը հայտարարում է 2024/2025 ուսումնական տարվա մագիստրատուրայի ընդունելության ժամկետները՝ հետևյալ մասնագիտություններով․
1) «Ֆարմացիա» մասնագիտությամբ՝
ա. Համալսարանի և այլ բուհերի բակալավրի կրթական ծրագրով «Ֆարմացիա» մասնագիտությամբ շրջանավարտների դիմումներն ընդունվում են երկու փուլով՝
- I փուլ – 2024թ. հունիսի 17-ից մինչև հուլիսի 4-ը.
- II փուլ – 2024թ. հուլիսի 8-ից մինչև օգոստոսի 23-ը.
բ.Այլ բուհերի երկրորդ փուլի ընդունելության միջառարկայական համակարգչային թեստային քննության օր սահմանել՝ 2024թ. օգոստոսի 27-ին ժամը 1000, (փորձնական քննության օր սահմանել` 2024թ. օգոստոսի 26-ին ժամը 1000).
Հարցաշարեր՝
Դեղագործական-քիմիա
2) «Հանրային առողջություն և առողջապահություն» և «Բիզնես վարչարարություն» մասնագիտություններով՝
ա. Համալսարանի և այլ բուհերի շրջանավարտների համար դիմումներն ընդունվում են երկու փուլով՝
- I փուլ – 2024թ. հունիսի 17-ից մինչև հուլիսի 4-ը.
- II փուլ – 2024թ. հուլիսի 8-ից մինչև օգոստոսի 28-ը.
բ.«Հանրային առողջություն և առողջապահություն» և «Բիզնես վարչարարություն» մասնագիտությունների հարցազրույցի օրեր սահմանել 2024թ. օգոստոսի 29-ին, 30-ին:
Մագիստրատուրա ընդունվելու համար դիմումը տրվում է կազմակերպության ղեկավարի անունով՝ կցելով համապատասխան փաստաթղթեր՝
1) բակալավրի, դիպլոմավորված մասնագետի, մագիստրոսի դիպլոմի և դրա հավելվածի (միջուկի) պատճենները (օտարերկրյա պետություններում բարձրագույն կրթություն ստացածների համար՝ փաստաթուղթ նրանց կրթության համարժեքության մասին),
2) ինքնակենսագրություն և 3 լուսանկար (3 x4 չափի),
3) հրատարակված կամ հրատարակման ընդունված գիտական աշխատությունների ցուցակ (դրանց առկայության դեպքում),
4) կազմակերպության կողմից սահմանված այլ փաստաթղթեր: