«Առողջապահության ոլորտում բուժաշխատողների կողմից ՀՀ օրենսդրությամբ սահմանված կարգով բժշկական փաստաթղթերի լրացում, վարում և շրջանառում» թեմայով հավաստագրային դասընթացի ընդունելություն

«Առողջապահության ոլորտում բուժաշխատողների կողմից ՀՀ օրենսդրությամբ սահմանված կարգով բժշկական փաստաթղթերի լրացում, վարում և շրջանառում» թեմայով դասընթացը ինտենսիվ ծրագիր է, որն իրականացվում է Երևանի Մխիթար Հերացու անվան պետական բժշկական համալսարանի Հանրային առողջության ֆակուլտետի կողմից:

Դասընթացը նախատեսված է հիվանդանոցային պայմաններում բժշկական օգնություն և սպասարկում իրականացնող ավագ բուժաշխատողների համար, որոնք նպատակ ունեն մասնագիտական գիտելիքներ ստանալ «ՀՀ բնակչության բժշկական օգնության և սպասարկման մասին» ՀՀ օրենքի 31-րդ հոդվածի 1-ին մասի 6-րդ կետի համաձայն՝ ՀՀ օրենսդրությամբ սահմանված կարգով բժշկական փաստաթղթերի լրացման, վարման և շրջանառման վերաբերյալ, ինչպես նաև այդ գործընթաց վերաբերյալ ձեռք բերել գործնական հմտություններ։

Դասընթացի արդյունքում ունկնդիրները կունենան պատշաճ գիտելիքներ` բժշկական փաստաթղթերի լրացման, վարման և շրջանառման ընթացքում իրավական վարքագիծ դրսևորելու վերաբերյալ, որի արդյունքում կխուսափեն կարգապահական, վարչական և քրեական պատասխանատվվությունից:

Ծրագրի բովանդակությունը

• ՀՀ առողջապահության ոլորտի հիվանդանոցային պայմաններում բժշկական օգնության և սպասարկման շրջանակներում բժշկական փաստաթղթերի լրացման, վարման և շրջանառման հարցերը կարգավորող օրենսդրության համակարգը, հիմնական իրավական ակտերը և իրավակարգավորումները:
• Բժշկական օգնություն և սպասարկում իրականացնողների, բուժաշխատողների իրավունքներն ու պարտականությունները առողջապահության ոլորտում բժշկական փաստաթղթերի լրացման, վարման և շրջանառման գործընթացում:
• Պացիենտի իրավունքները և պարտականությունները բժշկական փաստաթղթերի լրացման, վարման և շրջանառման գործընթացում:
• Բժշկական օգնություն և սպասարկում իրականացնողների, բուժաշխատողների պատասխանատվությունը, շրջանակը բժշկական փաստաթղթերի լրացման, վարման և շրջանառման գործընթացում:
• Անձնական տվյալների պաշտպանությունը և բժշկական գաղտնիքը բժշկական փաստաթղթերի լրացման, վարման և շրջանառման գործընթացում:

Ծրագրի ավարտին տրամադրվում է հավաստագիր հաստատված ԵՊԲՀ-ի և ՀՀ ԱՆ-ի կողմից և ՇՄԶ 9 (5 տեսական և 4 գործնական) կրեդիտ:

Մանրամասներ

• Տևողություն`2026թ. ապրիլի 07-ից–17-ը
• Դասերի օրերը`երեքշաբթի, հինգշաբթի և ուրբաթ՝ 16:00-18:00
• Մասնակիցների քանակը`մինչև 25
• Դասավանդման լեզուն`հայերեն
• Արժեքը՝ 20․000 ՀՀ դրամ (ԵՊԲՀ աշխատակիցների, ԵՊԲՀ օրդինատորների համար՝ 10.000 ՀՀ դրամ)

Թիրախային լսարան

• Բուժ անձնակազմ
• Կլինիկական օրդինատորներ
• ԲԿ-ների բուժօգնության որակի բաժնի մասնագետներ

Անհրաժեշտ փաստաթղթերի ցանկ՝ 

• Անձնագիր (բնօրինակը և պատճենը)
• Դիպլոմ (բնօրինակը և պատճենը)
• Աշխատանքի վայրից տեղեկանք (աշխատանքի առկայության դեպքում):

Ընդունելության գործընթաց

Դիմումների ընդունում՝ 30.03.2026 –07.04.2026

Հարցերի դեպքում դիմել ԵՊԲՀ հանրային առողջության ֆակուլտետի դեկանատ (ԵՊԲՀ, վարչական մասնաշենք, 3-րդ հարկ):

Հեռ: 010 301 000 (ներքին համար`308); 091 837 212: