Բաց դռների օր Հանրային առողջության ֆակուլտետում

Հանրային առողջության ֆակուլտետը կազմակերպում է բաց դռների օր Հանրային առողջապահության մագիստրոսական ծրագրերի վերաբերյալ:

Կներկայացվի՝

• ի՞նչ է Հանրային առողջապահությունը,
• ի՞նչ կառուցվածք և տևողություն ունի Հանրային առողջապահության ֆակուլտետի «Առողջապահության կազմակերպում և կառավարում» մագիտրոսական ծրագրը,
• որո՞նք են դիմելու պահանջները, ընթացակարգերը և վերջնաժամկետները,
• ո՞ր բնագավառներում են աշխատում Հանրային առողջապահության մասնագետները,
• ի՞նչ կարիերային հեռանկարներ ունեն Հանրային առողջապահության մագիստրոսները,
• Ձեզ հետաքրքրող այլ հարցեր:

Բաց դռների օրը ներկա կլինեն նաև ֆակուլտետի շրջանավարտները և դասախոսները, ովքեր նույնպես կներկայացնեն իրենց փորձը և անցած ուղին:

Անցկացման օրը և ժամը՝ ապրիլի 22, 2026թ. ժամը 13:30-ին

Վայրը՝ ԵՊԲՀ վարչական մասնաշենք, 5-րդ հարկ

Հարցերի համար զանգահարել: 010 301 000 (ներքին համար` 308);  091 837212

ՏԵՂԵԿԱՏՎՈՒԹՅՈՒՆ «ԱՌՈՂՋԱՊԱՀՈՒԹՅԱՆ ԿԱԶՄԱԿԵՐՊՈՒՄ և ԿԱՌԱՎԱՐՈՒՄ» ՄԱԳԻՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ

Երևանի պետական բժշկական համալսարանի Հանրային առողջության ֆակուլտետում գործում է  «Առողջապահության կազմակերպում և կառավարում» մագիտրոսական ծրագիր:

Հանրային առողջության ֆակուլտետ կարող են ընդունվել, ինչպես բժշկական, այնպես էլ ոչ բժշկական կրթությամբ դիմորդներ (առնվազն բակալավրի աստիճանով):

«Առողջապահության կազմակերպում և կառավարում» մագիստրոսական ծրագրի շրջանակներում ուսանողները ստանում են խորը և բազմակողմանի գիտելիքներ հանրային առողջության և առողջապահության կազմակերպման վերաբերյալ: Հանրային առողջության ֆակուլտետի դասախոսական կազմը բաղկացած է ինչպես ԵՊԲՀ պրոֆեսորա-դասախոսական անձնակազմից այնպես էլ հրավիրված մասնագետներից` ՀՀ առողջապահության նախարարությունից, Հիվանդությունների վերահսկման և կանխարգելման կենտրոնից, միջազգային կազմակերպություններից (Global Fund, WHO, Red Cross, World Vision, UNICEF, Peace Core, ClinChoice և այլն):

Ֆակուլտետն ուսանողներին տրամադրում է 5 անվճար տեղ, որոնց կարող են դիմել միայն տվյալ տարվա շրջանավարտները: Ընդունելության դիմումներն ընդունվելու են 2026թ-ի հունիսի 16-ից մինչև օգոստոսի 25-ը: ՈՒՇԱԴՐՈՒԹՅՈՒՆ Անվճար տեղերի համար դիմումներն ընդունվելու են 2026թ-ի հունիսի 16-ից մինչև հուլիսի 3-ը ներառյալ:

Ընդունելությունն իրականացվում է հարցազրույցի և ՄՈԳ-ի հիման վրա: Ծրագրի ավարտին շնորհվում է հանրային առողջապահության մագիստրոսի որակավորում (MPH):

Հանրային առողջության ֆակուլտետի մագիստրոսական ծրագրերի տևողությունը 1,5 տարի է, արժեքը՝ 500.000 դրամ տարեկան: Որպեսզի ուսանողները կարողանան համատեղել ուսումը աշխատանքի կամ օրդինատուրայի հետ դասերը ֆակուլտետում անցկացվում են երկու հերթով` 09:00-14:00 և 15:00-20:00: Դասերի հերթն ընտրում է ուսանողը:

Դիմորդները կարող են ներկայացնել անհրաժեշտ փաստաթղթերը Երևանի պետական բժշկական համալսարանի Հանրային առողջության ֆակուլտետի դեկանատ (վարչական մասնաշենք 3-րդ հարկ) 2026թ-ի հունիսի 16-ից մինչև օգոստոսի 25-ը: Անվճար տեղերի համար դիմումներն ընդունվելու են 2026թ-ի հունիսի 16-ից մինչև հուլիսի 3-ը:

Անհրաժեշտ փաստաթղթերի ցանկ.

1. Դիմում ռեկտորի անունով
2. Չորս լուսանկար ( 3х4 )
3. Դիպլոմ և միջուկ  (բնօրինակ և պատճենը): Եթե դիպլոմը դեռ տրված չէ անհրաժեշտ է ներկայացնել տեղեկանք ուսումնական հաստատությունից դիպլոմը տրամադրելու ժամկետի և ՄՈԳ-ի վերաբերյալ:
4. Անձնագիր (բնորինակ և պատճեն)
5. Ինքնակենսագրական
6. Արտոնություններից օգտվելու համապատասխան փաստաթղթեր (առկայության դեպքում):

Հարցերի դեպքում զանգահարել: 010 301 000 (ներքին համար` 308);  091 837212