Կրթաթոշակները տրամադրվելու են տվյալ ուսումնական տարվա ուսման վարձի 90%-ի չափով․ ՀԿՀ-ի կողմից վճարվող գումարը չի գերազանցելու 720,000 դրամի շեմը:
Կրթաթոշակի կարող են հավակնել ՀՀ պետական բուհերի 2026-2027թթ. ընդունելության մրցույթի դիմորդները (կրթաթոշակը կտրամադրվի լրիվ բեռնվածությամբ վճարովի ուսուցմամբ ընդունված առաջինկուրսեցիներին), ինչպես նաև լրիվ բեռնվածությամբ բակալավրի և մագիստրոսի կրթական ծրագրերով վճարովի ուսուցմամբ սովորող ուսանողները:
Կրթաթոշակային ծրագրի մրցույթին կարող են մասնակցել ՀՀ քաղաքացիները, սիրիահայ և լիբանանահայ ուսանողները, ինչպես նաև Ջավախքում բնակվող ազգությամբ հայ այն ուսանողները, որոնց ակադեմիական միջին նիշն առնվազն 15, 3, 7 կամ 75 միավոր է։
Մրցույթին մասնակցելու համար անհրաժեշտ է լրացնել առցանց հայտը։
Մրցույթը կանցկացվի մարտի 2-ից մինչև ապրիլի 30-ը ներառյալ։
Մանրամասների և հավելյալ տեղեկությունների համար կարող եք այցելել ՀԿՀ կայք, գրել հետևյալ էլ․ հասցեին՝ aef@aef.am կամ զանգել (+374)11 53 14 85 հեռախոսահամարով։
