Բժշկական մայր բուհի ուսանողները շարունակում են ակտիվորեն ներգրավվել սպորտային բազմաթիվ միջոցառումների` լավագույն արդյունքներ գրավելով։
Հայաստանի ուսանողական 25-րդ խաղերին սեղանի թենիս մարզաձևից Ստոմատոլոգիական ֆակուլտետի առաջին կուրսի ուսանող Հասմիկ Ղազարյանը գրավել է 2-րդ տեղը՝ արժանանալով մեդալի, հավաստագրի, պարգևների:
Ընդհանուր բժշկության ֆակուլտետի 3-րդ կուրսի ուսանող Ռեբեկա Համբարձումյանը և նույն ֆակուլտետի 2-րդ կուրսի ուսանող Սերժ Միքայելյանն իրենց ուժերն են փորձել հանրապետական ուսանողական առաջնությանը բազկամարտ մարզաձևից, որը կազմակերպվել էր Օլիմպիական կոմիտեի կողմից:
Ռեբեկա Համբարձումյանը զբաղեցրել է 2-րդ, իսկ Սերժ Միքայելյանը՝ 3-րդ հորիզոնականը:
Ֆիզիկական դաստիարակության ամբիոնի կողմից սպորտային տարատեսակ ձևաչափերի միջոցառումների անցկացումը շարունակական է։