Առաջին կուրսեցիների դիմավորման արարողություն

Սիրելի առաջին կուրսեցիներ,
գիտենք, որ այս օրվան երկար սպասել եք։

Օգոստոսի 29-ին, ժամը 09:00-ին, համալսարանի բակում՝ Կանաչներում (մուտքը Կորյունի կամ Աբովյան փողոցներից), կկայանա առաջին կուրսեցիների դիմավորման հանդիսավոր արարողությունը։

Առաջին կուրս ընդունված բոլոր ֆակուլտետների ուսանողները պետք է ներկայանան ժամը 08:45-ին՝ պարտադիր ունենալով սպիտակ խալաթ։

2025-2026 ուսումնական տարվա մեկնարկն ազդարարող այս միջոցառմանը բացման խոսքով հանդես կգա ԵՊԲՀ ռեկտոր Արմեն Մուրադյանը։

Այնուհետև բժշկական բուհի վարչական կազմի և դեկանների հետ հանդիպումները կշարունակվեն լսարաններում՝ հետևյալ բաշխմամբ․

• Ընդհանուր բժշկության ֆակուլտետ – Կարմիր դահլիճ (Վարչական մասնաշենք, 1-ին հարկ)
• Ստոմատոլոգիական ֆակուլտետ – պրոֆեսոր Նելլի Խոստիկյանի անվան 6-րդ լսարան (Լաբորատոր մասնաշենք, 1-ին հարկ)
• Դեղագիտական ֆակուլտետ – ակադեմիկոս Էմիլ Գաբրիելյանի անվան 4-րդ լսարան (Կենտրոնական մասնաշենք, 2-րդ հարկ)
• Ռազմաբժշկական ֆակուլտետ – Ռազմաբժշկական ֆակուլտետում (Վարչական մասնաշենք, 6-րդ հարկ)

ԵՊԲՀ քոլեջի առաջին կուրս ընդունվածների հետ հանդիպումը կկայանա Կարմիր դահլիճում՝ ժամը 14:00-ին։

Խմբերի, ուսումնական գործընթացի և այլ բոլոր մանրամասների վերաբերյալ կտրամադրվի սպառիչ տեղեկատվություն կրթական գործընթացի պատասխանատուների հետ հանդիպման ընթացքում։

Սիրելի առաջին կուրսեցիներ,
բոլորիդ ներկայությունը պարտադիր է։