Կայքը դեռ գտնվում է փորձարկման փուլում։
The site is still under testing.

Բժշկական հոգեբանության ամբիոնի նախորդ ուսումնական կիսամյակ կատարած աշխատանքները

Բժշկական հոգեբանության ամբիոնի նախորդ ուսումնական կիսամյակ կատարած աշխատանքները

Նախորդ ուսումնական կիսամյակում ԵՊԲՀ բժշկական հոգեբանության ամբիոնի դասախոսները՝  գիտական, մանկավարժական աշխատանքին զուգահեռ կամավորական սկզբունքով հոգեբանական աջակցություն են տրամադրել բազմաթիվ քաղաքացիների, ովքեր տուժել էին 2023թ. սեպտեմբերի 25-ին Լեռնային Ղարաբաղում վառելիքի պահեստի պայթյունի հետևանքով, բռնի տեղահանվել էին:

Տուժածների մեծամասնությունը տեղափոխվել էին հանրապետության տարբեր բուժհաստատություններ` այդ թվում «Միքայելյան» համալսարանական հիվանդանոց, Այրվածքաբանության և մաշկաբանության ազգային կենտրոն, «Արմենիա», «Էրեբունի», «Աստղիկ» «Քանաքեռ-Զեյթուն բժշկական կենտրոններ:

Սեպտեմբերի 29-ի դրությամբ պայթյունի հետևանքով վիրավորում ստացած քաղաքացիների թիվը 290 էր։ Տուժածներին Երևան տեղափոխելուց հետո Երևանի բժշկական հոգեբանության ամբիոնի աշխատակիցներ  Նաիրա Ազատյանը, Գայանե Ղազարյանը, Անի Եղիազարյանը, Անահիտ Տեր-Ստեփանյանը, Տաթևիկ Առաքելյանը և Լիաննա Թերզյանը անմիջապես կամավոր սկզբունքներով իրենց մասնագիտական աջակցությունն են տրամադրել վերոնշյալ բուժհաստատություններում: Հոգեբանական աջակցություն է ցուցաբերվել տուժածներին (արականսեռի, 15-70 տարեկան), նրանց ընտանիքի անդամներին, ինչպես նաև բուժաշխատողներին։ Որոշ ժամանակ հետո աշխատանքը շարունակվել է Առողջապահության համաշխարհային կազմակերպության և Հայկական հոգեբուժական ասոցիացիայի համատեղ ծրագրերի շրջանակում։

Հոգեբանական աջակցության աշխատանքներն իրականացվել են 2 փուլով:

Առաջնային հոգեբանական աջակցության տևողությունը բուժհաստատությունում՝ սեպտեմբերի 28-ից դեկտեմբերի 20-ը։ Կիրառվել են հետևյալ մեթոդները՝ հոգեվիճակի պարբերական գնահատում, հոգեհուզական վիճակի կարգավորում, հոգեկրթում, հոգեկարգավորման հմտությունների ուսուցում։

Երկրորդային փուլի տևողությունն է 2024թ.-ի  հունվարի 4-ից մարտի 30-ը, իրականացվել է անհատական (առցանց/առերես) և խմբային աջակցություն ամբուլատոր պայմաններումԻնթրա» հոգեկան առողջության կենտրոն)։

Անհատական աշխատանքի ընթացքում կիրառվել են ԿՎԹ, էքզիստենցյալ, այցելուակենտրոն, հիպնոթերապևտիկռելաքսացիոն թերապևտիկ ուղղություններից տեխնիկաներ:

Տարբեր աստիճանի այրվածքներ ստացած և բռնի տեղահանված մեր հայրենակիցները  Երևանի հիվանդանոցներ տեղափոխվելուց հետո մշտապես գտնվել են համալսարանական հոգեբանների ուշադրության կենտրոնում և նրանց հետ երկարատև և հետևողական աշխատանքի արդյունքում այսօր այրվածքների ապաքինմանը զուգահեռ՝ նրանց շրջանում գործնականում բացակայում են հոգեկան առողջության ծանր խնդիրները, որոնք սովորաբար բնորոշ են լինում նման վիճակում հայտնված մարդկանց: