Երևանի Մխիթար Հերացու անվան պետական բժշկական համալսարանի էնդոկրինոլոգիայի ամբիոնի դոցենտ Ռենատա Մարկոսյանը «Էնդոկրինոլոգիայի և նյութափոխանակության ձեռնարկ» (“Handbook of Endocrinology and Metabolism”) գրքի համահեղինակն է։
Գիրքը լույս է տեսել 2024 թվականին, նախատեսված է Եվրոպայի բժշկական համալսարանների ուսանողների համար։
Ձեռնարկի համահեղինակների շարքում են Իտալիայի, Նիդերլանդների, Միացյալ Թագավորության, Ֆրանսիայի, Դանիայի, Գերմանիայի, Հունգարիայի առաջատար մասնագետները։
Ձեռնարկը ներառում է էնդոկրին համակարգի պաթոֆիզիոլոգիաների և հիվանդությունների վերաբերյալ կարևոր տեղեկատվություն։
Այն գրված է Հազվագյուտ էնդոկրին հիվանդությունների եվրոպական տեղեկատու ցանցի (European Reference Network for Rare Endocrine Conditions – ENDO-ERN) էնդոկրինոլոգիայի փորձագետների կողմից։
Ձեռնարկն ընդգրկում է կլինիկական էնդոկրինոլոգիայի լայն ոլորտը՝ ընդգծելով կլինիկական պրակտիկան և ներառելով էնդոկրին համակարգի հիվանդությունների ախտորոշման և բուժման ժամանակակից մեթոդներն ու գործիքները։