Հունիսի 10-ին կայացել է ԵՊԲՀ «ՔՈԲՐԵՅՆ» կենտրոնի գիտելիքի և տեխնոլոգիաների փոխանցման գրասենյակի հերթական հանդիպումը՝ ուղղված ԵՊԲՀ-ում կլինիկական հետազոտությունների իրականացման համար անհրաժեշտ հմտությունների ձեռքբերմանը:
ԵՊԲՀ այցելու գիտնական, ամերիկյան Օնկորդինկ ընկերության փոխնախագահ Դավիթ Եսայանը, որն ավելի քան 30 տարվա փորձ ունի կլինիկական հետազոտությունների ոլորտում, մասնակիցների հետ քննարկեց կլինիկական փորձարկման արձանագրությունների գնահատման քայլերը:
Հանդիպման ընթացքում անդրադարձ է կատարվել նաև փորձարկումների արձանագրությունների համառոտագրի կաղապար կազմելու հմտություններին և փուլերին, ինչպես սեփական կլինիկական փորձարկման արձանագրություններ մշակելիս, այնպես էլ որպես բժիշկ-հետազոտող կլինիկական հետազոտության առաջարկ գնահատելիս:
Ներկա էին հետազոտողներ, բժիշկներ, դասախոսներ, ուսանողներ:
Դավիթ Եսայանը կարևորելով թիմի նպատակասլացությունը և ներդրած ջանքերը Գիտելիքի և տեխնոլոգիաների փոխանցման գրասենյակի կայացման մեջ նշեց, որ աշխարհի տարբեր անկյուններում է եղել և դասավանդել, սակայն ոչ մի երկրում նման արագ առաջընթաց չի տեսել և անսահման հպարտ է ԵՊԲՀ-ի հետ իր ունեցած համագործակցության համար։
