Օրեցօր ավելանում են Հայաստանի բժշկության պատմության թանգարանի այցելուները: Բժշկագիտության մասին ցուցանմուշներին գալիս են ծանոթանալու ինչպես դպրոցականներ, տարբեր համալսարանների ուսանողներ, այնպես էլ դասախոսներ, պրոֆեսորներ, բազմաթիվ են նաև անհատական այցելությունները:
Թանգարանի հերթական այցելուները Արվեստի և գրականության ժողովրդական համալսարանից էին՝ ռեկտոր Անահիտ Օհանյանի գլխավորությամբ:
Թանգարանի ղեկավար Նարինե Ղազարյանի ուղեկցությամբ այցելուները շրջեցին սրահներում` ծանոթանալով բժշկագիտության պատմությանը, թանգարանային ծավալուն նյութերին, տեղեկացան հետաքրքիր փաստերի մասին:
«Բժշկական համալսարանի հետ կապը պայմանավորված է թանգարանի ղեկավար Նարինե Ղազարյանի հետ, ով նաև մեր համալսարանականն է: Տիկին Ղազարյանը մշտապես շատ հետաքրքիր է ներկայացրել այս կառույցը, ինչը մեր ուսանողների, ունկնդիրների մոտ մեծ հետաքրքիրություն է առաջացել, ուստի որոշեցինք այցելել փոքր կազմով, իսկ հետագայում ավելի ընդլայնված կհույընկալվենք»,- նշեց Արվեստի և գրականության ժողովրդական համալսարանի ռեկտորը՝ տպավորված այցից:
Հավելենք, որ Կորյունի 2 հասցեում գտնվող բուհական թանգարանի մուտքն ազատ է հետաքրքրվողների, հետազոտողների, բժշկագիտության վերաբերյալ գիտելիքն ավելացնել ցանկացողների համար:
