Այս ծրագրի ընթացքում մասնակիցները ծանոթացան նեյրոգիտական հետազոտությունների հիմնական սկզբունքներին և գործնական մոտեցումներին՝ ներառյալ լաբորատոր կենդանիների հետ աշխատանքը, վարքային թեստավորումը, փորձարարական հետազոտության նախագծումը և թիմային աշխատանքը։
Ծրագիրը համատեղում էր տեսական քննարկումները, գործնական աշխատանքները և խմբային նախագծերը՝ հնարավորություն տալով ուսանողներին հասկանալու, թե ինչպես է հետազոտական հարցը վերածվում փորձարարական ուսումնասիրության։ Որպես ամփոփիչ առաջադրանք՝ մասնակիցները մշակեցին և ներկայացրին կենդանիների վարքին վերաբերող ընտրված հետազոտական հարցերի փորձարարական նախագծեր։
Շնորհակալություն ենք հայտնում բոլոր մասնակիցներին ծրագրի ընթացքում ցուցաբերած ակտիվ ներգրավվածության, հետաքրքրասիրության և պատասխանատու աշխատանքի համար։ Հուսով ենք, որ LabShip 2026 ծրագրի շրջանակում ձեռք բերված գիտելիքներն ու գործնական փորձը կնպաստեն նրանց հետագա կրթական և գիտահետազոտական զարգացմանը։
Շնորհավորում ենք LabShip 2026 ծրագրի բոլոր մասնակիցներին ծրագրի հաջող ավարտի կապակցությամբ։
