Հայոց բանակի տոնը անխզելիորեն կապված է մեր երկրի պատմության հետ:
Հունվարի 28-ին նշում ենք Հայկական զինված ուժերի կազմավորման 32-րդ տարեդարձը:
Այդ ավելի քան երեք տասնամյակը լի է բազմաթիվ փորձություններով՝ հաղթական ու նաև ծանր, դժվար օրերով:
Դեռևս սպիներն ամոքող Հայոց բանակը շարունակում է կատարել իր առաքելությունը. ամուր կանգնել մեր երկրի սահմանին՝ երաշխավորելով Հայաստանի Հանրապետության անվտանգությունն ու պետականության ամրապնդումը:
Այս օրը առիթ է ընդգծելու հատկապես մեր ռազմական բժիշկների աշխատանքը:
Երեք տարի առաջ ականատես եղանք ռազմի դաշտում նրանց հերոսական սխրանքին, երբ «սպիտակ բանակը» հայ զինվորի հետ թև ու թիկունք, վահան դարձած առաջնագծում էր:
Շատերի համար այն կյանք արժեցավ: Այս օրը նաև նրանց տոնն է: Հայոց բանակը խաղաղության ամուր պաշտպանն է, որն ամրացնելու պատասխանատվությունը յուրաքանչյուրինս է:
Տոնական իմ մաղթանքը հարատև խաղաղության մասին է: Առանձնահատուկ խոնարհումս հայ զինվորին ու հերոս ծնած մայրերին…
Տոնդ շնորհավոր, Հայոց բանակ…
ԵՊԲՀ ռեկտոր, պրոֆեսոր
Արմեն Մուրադյան