Այս ուսումնական տարվա սեպտեմբերից «Հետազոտության հիմունքներ» առարկան ընդհանուր բժշկության ֆակուլտետի 2-րդ կուրսի բոլոր ուսանողների կողմից կուսումնասիրվի նոր և վերանայված ծրագրով:
Բժշկագիտության ներկայիս պահանջներին համապատասխանող դասընթացի կարևորությունը մեծ դեր ունի ապագա բժիշկների համար։ Այն հնարավորություն է ընձեռում զարգացնել ուսանողների կարողությունները՝ կարդալու և վերլուծելու բժշկագիտական հոդվածներ և ուղեցույցներ, ձևավորելու հետազոտական և քննադատական մտածողություն, փոխանցելու հետազոտական հմտություններ: Դասընթացը ներառում է հետևյալ թեմաները՝ ակադեմիական շտեմարաններ և գրականության որոնման մեխանիզմներ, ակադեմիկական էթիկա և գրագրություն, քննադատական մտածողություն, ակադեմիական հոդվածի կառուցվածք, հետազոտության դիզայն և այլ արդի թեմաներ:
Կարևորելով ուսումնական գործընթացի բարելավումը, դասապրոցեսի համար բոլոր նպաստավոր պայմանների ստեղծումը՝ բժշկական մայր բուհում ուսանողները այսուհետև հնարավորություն կունենան «Հետազոտության հիմունքներ» առարկան սովորել նոր, վերանորոգված լսարաններում:
