Գյումրու «Երիտասարդական պալատ» ՀՈԱԿ-ում երեկ Գյումրու քաղաքապետարանի և Հնդկաստանի հանրապետության դեսպանության աջակցությամբ կազմակերպվել է «Հնդկաստանի մշակութային ցերեկույթ» ծրագիրը, որի նպատակն էր ամրապնդել միջմշակութային կապերը։
Միջոցառմանը մասնակցել են ԵՊԲՀ-ում սովորող 12 հնդիկ ուսանողներ:
Ծրագրին ակտիվ մասնակցության և իրենց մշակութային առանձնահատկությունները պատրաստակամորեն ներկայացնելու համար Գյումրու «Երիտասարդական պալատ»-ը շնորհակալություն է հայտնել բժշկական բուհին` ի դեմս Բժշկական բուհի օտարերկրացի ուսանողների հետ տարվող աշխատանքների բաժնի ղեկավար Ռահուլ Սետհիի, ով այս կառույցի հետ երկարամյա համագործակցության փորձ ունի:
Նշենք, որ ուսանողների համար մեր երկրի մշակութային մայրաքաղաքի պատմության թանգարանում շրջայց է անցկացվել, ինչպես նաև այց քաղաքապետարանում բացված նկարչության ցուցահանդեսի:
