Սիրելի բուժաշխատողներ, տարվա 365 օրերից, անկասկած, միայն մեկ օրը բավարար չէ մեր խորին երախտագիտությունն ու գնահատանքը ձեզ արտահայտելու համար: Սակայն ազգային տոնացույցում նշված այս հատուկ օրը՝ հունիսի 21-ը, ևս մեկ առիթ է՝ ի սրտե շնորհավորելու և շնորհակալություն հայտնելու ձեր անձնվեր ծառայության համար:
Սիրելի գործընկերներ, շնորհակալ ենք ձեր բարձր պրոֆեսիոնալիզմի, մարդկանց առողջությունն ու կյանքը փրկելու համար մղած անընդհատ պայքարի, հոգատարության և անսպառ համբերության համար: Հատուկ ուզում եմ ընդգծել ձեր համբերությունը, հաստատակամությունը, հատկապես այն իրավիճակներում, երբ մասնագիտական գործունեության ընթացքում ստիպված եք լինում բախվել անհանդուրժողականության և նույնիսկ բռնության դրսևորումների:
Չնայած նման անթույլատրելի դեպքերին՝ դուք անխոնջ շարունակում եք ձեր նվիրական առաքելությունը, մի գործ, որը կոչում է և ոչ պարզապես մասնագիտություն:
Բժշկությունը, ինչպես հայտնի է, ամենամարդասիրական ոլորտներից է. այն չի ճանաչում սահմաններ, ազգային կամ լեզվական խոչընդոտներ։ Ձեր գիտելիքը, փորձը և հմտությունները թող շարունակեն ծառայել մարդկանց առողջության պահպանմանը։
Ցանկանում եմ, որ միշտ լինեք առողջ և գնահատված։
Շնորհավոր մասնագիտական տոնդ, սիրելի բուժաշխատող
ԵՊԲՀ ռեկտոր
Արմեն Մուրադյան