ԵՊԲՀ շնորհակալագրի արժանացավ Կենտրոնական համալիրի բուժկետի բժիշկ Աստղիկ Ասրյանը: Կլինիկական ոլորտի պատասխանատուների մասնակցությամբ հրավիրված հերթական նիստի ընթացքում երկարամյա աշխատակցին շնորհակալություն հայտնեցին կատարած ծանրաբեռնված, անձնվեր և բարեխիղճ աշխատանքի համար:
Բժշկական բուհի շրջանավարտը 1980 թվականից աշխատել է տարբեր բժշկական, այդ թվում՝ համալսարանական հաստատություններում, այնուհետև Կենտրոնական համալիրում:
Ընդգծում է, որ չորս տասնյակից ավելի տարիների ընթացքում սիրով ու մեծ պատասխանատվությամբ է կատարել իրեն վստահված գործը:
«Շնորհակալություն եմ հայտնում գործընկերներիս, ուսանողներին, աշխատակազմին համատեղ աշխատանքի համար»,- նշեց համալսարանականը՝ ավարտելով երկար տարիների գործունեությունը բժշկական համալսարանում:
