Առողջապահության համաշխարհային կազմակերպության կողմից 2024 թվականի մայիսի 24-ին հրապարակված զեկույցի համաձայն, աշխարհում կյանքի տևողության բարձրացման նպատակով շուրջ մեկ տասնամյակ կատարված ներդրումների ու ջանքերի շնորհիվ ձեռքբերված առաջընթացը կասեցվել է COVID-19 համաճարակի պատճառով:
Կյանքի միջին տևողությունը գրանցվել է 71,4 տարվա մակարդակում, ինչը 2012 թվականից ի վեր ամենացածր ցուցանիշն է:
2019-ից 2021 թվականներին աշխարհում կյանքի տևողությունը նվազել է 1.8 տարով՝ մինչև 71.4 տարի, իսկ առողջ կյանքի տևողությունը նվազել է 1,5 տարով՝ մինչև 61.9 տարի, նշված է ԱՀԿ-ի՝ ամբողջ աշխարհում առողջապահության վիճակագրության մասին զեկույցում։ Առավելապես են Հյուսիսային և Հարավային Ամերիկայի, Հարավարևելյան Ասիայի շրջանները, որտեղ կյանքի տևողությունը նվազել է մոտ 3 տարով, հայտնում է Hindustan Times-ը:
Ըստ Los Angeles Times պարբերականում վերջերս հրապարակված հոդվածի` Կալիֆորնիայում COVID-19-ով վարակվելու ամառային սեզոնը կարող է սկսվել սովորականից շուտ, քանի որ որոշ տարածքներում կոյուղաջրերում կորոնավիրուսի անջատման հաճախականությունը աճում է, դրան զուգահեռ գրանցվել է դրական թեստերի մասնաբաժնի ավելացում ամբողջ նահանգում: Հաշվի առնելով մեր հայրենակիցների ակտիվ ամառային այցը հայրենիք, հաջորդիվ հիվանդացության բարձրացում կարելի է կանխատեսել նաև Հայաստանում:
FLiRT ենթատեսակները, որոնք պաշտոնապես հայտնի են որպես KP.2, KP.3 և KP.1.1. գերազանցել են գերիշխող ձմեռային շտամը՝ JN.1: 2-շաբաթյա ժամանակահատվածում գնահատվում է, որ դրանք կազմել են ԱՄՆ-ում կորոնավիրուսով վարակվածների ընդհանուր թվի 50,4%-ը՝ մեկ ամիս առաջվա 20%-ի դիմաց։
Ըստ մասնագետների` ամեն անգամ, երբ նոր շտամ է հայտնվում այն հնարավորություն է ունենում հաղթահարել նախորդ շտամի արդյունքում առաջացած անընկալունակությունը, և եթե որոշակի ժամանակ է անցել վերջին պատվաստվաստումից, ապա ակնհայտորեն այդ մարդիկ չեն ունենա պաշտպանության այն նույն մակարդակը, ինչ նրանք, ովքեր համեմատաբար վերջերս են պատվաստվել: