2009 թվականից Առողջապահության համաշխարհային կազմակերպության և մի շարք գործընկեր կազմակերպությունների նախաձեռնությամբ մայիսի 5-ն ամբողջ աշխարհում նշվում է որպես Ձեռքերի հիգիենայի պահպանման օր:
2024թ.-ի «Փրկե՛ք կյանքեր. մաքու՛ր պահեք ձեր ձեռքերը» արշավը նպատակ ունի հասնել ամբողջ աշխարհում առողջապահության ոլորտում ձեռքերի հիգիենայի կարևորության մասին տեղեկատվություն տարածելու և «մարդկանց միավորելու» նպատակին՝ ամբողջ աշխարհում ձեռքերի հիգիենայի բարելավմանն աջակցելու համար:
Ինչու՞ է ձեռքերի հիգիենայի մասին գիտելիքների փոխանակումը շարունակում է դեռ այդքան կարևոր: Քանի որ այն օգնում է դադարեցնել վնասակար մանրէների տարածումը առողջապահության ոլորտում:
Բժշկական օգնության հետ կապված վարակները ամենատարածված բացասական ազդեցություններն են, որոնք տեղի են ունենում առողջապահական ծառայությունների մատուցման համատեքստում:
Բժշկական հաստատություններում ձեռքերի հիգիենայի ժամանակին պահպանումը ամեն տարի միլիոնավոր կյանքեր է փրկում: ՏՀԶԿ-ի կողմից անցկացված ուսումնասիրությունը ցույց է տվել, որ ՏՀԶԿ և ԵՄ/ԵՏՏ 34 երկրներում առողջապահական հաստատություններում ձեռքերի հիգիենայի բարելավման համար 1 դոլար ներդնելը բերում է մոտ 24,6 ԱՄՆ դոլարի տնտեսական եկամտաբերություն (այսինքն՝ ինչպես առողջապահական ծախսերի, այնպես էլ ընդհանուր տնտեսության արտադրողականության բարձրացման տեսքով):
Ձեռքերի հիգիենայի և վարակների կանխարգելման և վերահսկման վերաբերյալ գիտելիքների փոխանակումը դեռ շատ կարևոր է, քանի որ, ի վերջո, դա շատ արդյունավետ միջոց է առողջապահության ոլորտում վնասակար մանրէների տարածումը դադարեցնելու համար:
«Փրկե՛ք կյանքեր. մաքու՛ր պահեք ձեր ձեռքերը» ծրագրի հիմնական սկզբունքն այն է, որ բոլոր բուժաշխատողները պետք է լվանան իրենց ձեռքերը ճիշտ ժամանակին և ճիշտ ձևով` ըստ սահմանված կարգի:
ԱՀԿ-ի այս ամենամյա նախաձեռնությունը լայնածավալ գլոբալ ջանքերի մի մասն է միայն` առողջապահության ոլորտի մասնագետներին աջակցություն ցուցաբերելու առողջապահության ոլորտում ձեռքերի հիգիենայի բարելավման և, այդպիսով, հաճախ կյանքին սպառնացող հիվանդությունների կանխարգելման գործում:
Օրը նվիրված է առողջապահության ոլորտում ձեռքերի հիգիենայի բարելավման կարևորությունը մատնանշելուն: ԱՀԿ-ի աջակցությամբ և ջանքերով մշակված ձեռքերի հիգիենայի բարելավման գործիքակազմի և նյութերի հավաքածուն ստեղծվել է առկա հետազոտությունների և ապացույցների հիման վրա, ինչպես նաև մանրակրկիտ թեստավորման և ոլորտի մի շարք փորձագետների հետ սերտ համագործակցության միջոցով: Այս գործիքակազմը նախատեսված է օգնելու` գործնականում իրականացնելու առողջապահության ոլորտում ձեռքերի հիգիենայի բարելավման և պահպանման մուլտիմոդալ ռազմավարություն:
Ի դեպ ՀՀ ԱՆ կողմից արդեն մշակված սանիտարական նորմը ս/թ հունիսից կներդրվի ՀՀ բուժհաստատություններում և վերջինի պատշաճ իրականացումը կվերահսկվի համապատասխան գերատեսչական մարմնի կողմից:
Որպես ապացույց վերոնշյալ դրույթի՝ ներկայացնում ենք ԵՊԲՀ Համաճարակաբանության ամբիոնի կողմից կատարված հետազոտության արդյունքերը, որոնք ևս մեկ անգամ ապացուցում են ձեռքերի դերը՝ որպես վարակի փոոխանցման հիմնական գործոն:
Ձեռքերից վերցված նմուշների մանրէաբանական հետազոտության արդյունքներ՝
Արտահագուստ`
Մակերես`