ԵՊԲՀ ֆիզիկական դաստիարակության ամբիոնը Ուսանողական խորհրդարանի հետ համատեղ կազմակերպում է ներբուհական մրցաշար մինի ֆուտբոլ, շախմատ և նարդի մարզաձևերից:
Մրցաշարին կարող են մասնակցել բժշկական մայր բուհի պրոֆեսորադասախոսական կազմը, աշխատակիցները, ուսանողները, ինչպես նաև համալսարանական հիվանդանոցների աշխատակիցները:
Սպորտային միջոցառման նպատակն աջակցությունն է բժշկական բուհի կողմից միջնադարի բնագետ-բժիշկ, մատենագիր, բառարանագիր Ամիրդովլաթ Ամասիացու «Օգուտ բժշկության»` շուրջ 300 տարի առաջ ընդօրինակված ձեռագրի ձեռքբերմանն ու համալրմանը Մատենադարանի բացառիկ արժեքավոր ձեռագրական հավաքածուում:
Մասնակիցներից յուրաքանչյուրին հնարավորություն կընձեռվի իր ներդրումն ունենալ (1000 դրամից սկսած) այս կարևոր և ազգասեր գործին:
Հայտերի ընդունումը՝ նոյեմբերի 25-ից 29-ը:
Վիճակահանությունը ՝ նոյեմբերի 29-ին՝ ժամը 13:00:
Սպորտային միջոցառումները կանցկացվեն դեկտեմբերի 2-ից 14-ը:
Հայտերի ընդունումը՝ ԵՊԲՀ ուսանողական խորհրդարանի սենյակում (Վարչական մասնաշենք՝ 1-ին հարկ)։
Հարցերի դեպքում կարող եք զանգահարել 098 78 20 00, 033 30 60 63 հեռախոսահամարներով: