Կրթության ոլորտի սիրելի՛ ներկայացուցիչներ, սրտանց շնորհավորում եմ ձեզ՝ մասնագիտական տոնի առթիվ:
Օրը խորհրդանշում է ուսուցիչների, մանկավարժների՝ ոչ միայն կրթության բնագավառում, այլև սովորողների որպես անձ կայացման հարցում ունեցած հսկայական ներդրման գնահատումը:
Ձեր կատարած աշխատանքն արժանի է մեծ ակնածանքի: Սերունդներ կրթելու ձեր առաքելությունը, անշուշտ, պահանջում է նվիրում, ինչը դուք իրականացնում եք մեծ պատասխանատվությամբ:
Այսօրվա մարտահրավերներն ընդգծում են կրթության, գիտության, գիտելիքի կարևոր և անփոխարինելի դերը:
Խորապես վստահ եմ՝ պետության զարգացման «բանալին» դպրոցում է:
Ապագա սերնդի կրթության, դաստիարակության գործում ձեր ներդրումը կանխորոշում է մեր պետության զարգացման ընթացքը, դրանից է մեծապես կախված` ինչպիսին է լինելու վաղվա օրը:
Իմ կոչն է ձեզ՝ նույն վճռականությամբ շարունակել աշխատանքն ու չլքել ձեզ վստահված դիրքը:
Եղե՛ք առողջ ու գնահատված:
Արմեն Մուրադյան
ԵՊԲՀ ռեկտոր