«Open Forum Infectious Diseases» ամսագրում հրապարակված նոր ուսումնասիրությունը բացահայտել է հիվանդանոցային կենսաանվտանգության ոլորտում առկա լուրջ բացթողում՝ ցույց տալով, որ բազմաթիվ դեղամիջոցների նկատմամբ կայուն «Candidozyma auris» (նախկինում՝ «Candida auris») սնկերը պարբերաբար «տեղափոխվում» են՝ կպչելով բուժաշխատողներին։
Ուսումնասիրությունը հիվանդանոցի աշխատակիցների համազգեստների և ձեռնոցների վրա հայտնաբերել է բազմադեղակայուն ունեցող «Candidozyma auris» տեսակի սունկ։
Մահացու վտանգավոր և դեղամիջոցների նկատմամբ կայուն այս գերմանրէն հայտնաբերվել է բուժաշխատողների բժշկական ձեռնոցների և համազգեստների վրա։
Հետազոտողները պարզել են, որ սովորական խնամքի ընթացքում սնկային վարակը հաջողությամբ փոխանցվում է բուժանձնակազմի ձեռնոցներին կամ համազգեստին՝ պացիենտների հետ շփումների 29%-ի դեպքում։ Փոխանցման այս՝ մտահոգիչ բարձր ցուցանիշը գրեթե կրկնակի գերազանցում է MRSA-ի (16%) և եռակի՝ դեղամիջոցների նկատմամբ կայուն այլ բակտերիաների (10%) ցուցանիշները՝ ընդգծելով, թե որքան ագրեսիվ կերպով է տարածվում այս կոնկրետ «սուպերբակտերիան» կլինիկական միջավայրում։
«Candidozyma auris»-ի սպառնալիքը հատկապես լուրջ է, քանի որ այդ սնկերը կարող են առաջացնել կյանքին վտանգ սպառնացող ինվազիվ վարակներ, որոնց դեպքում մահացության ցուցանիշը հասնում է մինչև 62%-ի։
Ավելի քան 1000 փոխազդեցություն ուսումնասիրած հետազոտությունը պարզել է, որ պացիենտների հետ ֆիզիկական շփումը եռապատկում է վարակի փոխանցման հավանականությունը՝ համեմատած միայն շրջակա մակերեսներին դիպչելու հետ։
Առողջապահության ոլորտի ղեկավարները կոչ են անում անհապաղ քայլեր ձեռնարկել՝ ընդգծելով, որ անհատական պաշտպանիչ միջոցների (ԱՊՄ) կիրառման կանոնների խստիվ պահպանումը և ձեռքերի հիգիենայի բարելավումը միակ պաշտպանությունն են այս կայուն ախտածնի արագ և աննկատ տարածման դեմ։