Ռեկտորատի այսօրվա նիստում ըստ ոլորտների` պատասխանատուները ներկայացրին շաբաթվա ընթացքում կատարված ու նախատեսվող աշխատանքները:
Գիտական խորհրդի ապրիլի 30-ին կայանալիք նիստի հարցերի հաստատումից մինչև բուհական նոր նախաձեռնությունները քննարկվեցին նիստում:
Մասնավորապես Գիտական խորհրդի նիստում ծավալուն անդրադարձ կկատարվի համալսարանական հիվանդանոցների հաջողություններին:
Առաջիկայում ուսանողները և վերլուծական ստորաբաժանումը` «Հերացի» վերլուծական կենտրոնը, մասնագետների ընդգրկմամբ, կկազմակերպի միջոցառումներ` ուղղված շրջակա միջավայրի առողջացմանը:
ԵՊԲՀ ռեկտոր Արմեն Մուրադյանը ուրախությամբ փաստեց նաև այն հանգամանքը, որ հետխորհրդային տարածաշրջանում ամենաարագ զարգացող բժշկական համալսարանը Երևանի Մխիթար Հերացու անվան պետական բժշկական համալսարանն է։
Այս գնահատականը հիմնված է մեծածավալ հետազոտության վրա, որի ընթացքում վերլուծության է ենթարկվել ողջ հետխորհրդային տարածաշրջանի բժշկական համալսարանների, ինչպես նաև բժշկական ֆակուլտետներ ունեցող համալսարանների գեներացրած գիտական արդյունքը։ Այն չափվել է ԱՄՆ Ազգային բժշկական գրադարանում ինդեքսավորված գիտական ամսագրերում տպագրված հոդվածների միջոցով։
Ռեկտորի գնահատմամբ` հաջողությունը միջազգային կարգավիճակ ունեցող բուհի համար հերթականն է և շատ պատվաբեր:
Քննարկվեցին ընթացիկ այլ հարցեր, տրվեցին հանձնարարականներ:
