«Հետազոտական հմտությունների զարգացում» ծրագրի հայտերի ընդունում

Հայտերի ընդունում

«Հետազոտական հմտությունների զարգացում» ծրագիր

Դասախոսների, երիտասարդ բժիշկների և հետազոտողների համար

Երևանի Մխիթար Հերացու անվան պետական բժշկական համալսարանի Գիտելիքի և տեխնոլոգիաների փոխանցման գրասենյակը (KTTO) և

«Հետազոտության հիմունքներ» կրթական խումբը հայտարարում են «Հետազոտական հմտություններ» կրթական խմբի ընդլայնման

«Հետազոտական հմտությունների զարգացում» ծրագրի նոր հոսքի մեկնարկի մասին։

Ծրագիրը նախատեսված է՝

• երիտասարդ դասախոսների և ասիստենտների,
• երիտասարդ բժիշկների և հետազոտողների,
• օրդինատորների համար։

Ծրագրի նպատակն է ձևավորել հետազոտական և կրթական կարողություններով նոր մասնագետների թիմ, ովքեր հետագայում հնարավորություն կունենան միանալու «Հետազոտական հմտություններ» կրթական խմբին և կրթական նախաձեռնություններին։

Ծրագրի նպատակները

Մասնակիցները հնարավորություն կունենան՝

• զարգացնելու հետազոտական և քննադատական վերլուծության հմտություններ,
• յուրացնելու ապացուցողական բժշկության (EBM) հիմունքները,
• բարելավելու գիտական գրականության ընթերցման կարողությունները,
• ծանոթանալու հետազոտական դիզայնի հիմունքներին,
• զարգացնելու ներկայացման և դասավանդման հմտություններ,
• ծանոթանալու ժամանակակից հետազոտական գործիքներին և ակադեմիական ռեսուրսներին։

Ինչո՞վ է առանձնանում ծրագիրը

• Գործնական և ինտերակտիվ ձևաչափ
• Իրական կլինիկական և հետազոտական օրինակներ
• Փորձառու հետազոտողների և դասախոսների մենթորություն
• Հնարավորություն՝ ապագայում ներգրավվելու «Հետազոտության հիմունքներ» ծրագրի թիմում

Ծրագրի ձևաչափ

• Տևողությունը՝ 2–3 շաբաթ
• Առկա ձևաչափ
• Շաբաթական ինտերակտիվ հանդիպումներ և հանձնարարություններ
• Գիտելիքի գնահատում
• Ընտրության չափանիշներ

Նախապատվությունը կտրվի մոտիվացված մասնակիցներին, ովքեր հետաքրքրված են ակադեմիական կարիերայով, ունեն հետազոտություն իրականացնելու կամ դասավանդման փորձ և սովորելու պատրաստակամություն:

Վայրը՝ ԵՊԲՀ «ՔՈԲՐԵՅՆ» կենտրոն:

Հայտերի ընդունման վերջնաժամկետ՝ մայիսի 27

Դիմելու համար գրանցվել հետևյալ հղմամբ։

Հարցերի դեպքում կարող եք գրել kttoofysmu@gmail.com էլ. հասցեին կամ այցելել «ՔՈԲՐԵՅՆ» կենտրոն: