Նոյեմբերի 18-ին և 19-ին «Լանցետ» միջազգային վիրաբուժական պլատֆորմն իրականացրեց «Անոթային վիրաբուժության պրակտիկ կոնֆերանս», որին մասնակցեց ավելին քան 400 ուսանող։
Հայերեն և անգլերեն անցկացված կոնֆերանսի նպատակն էր ուղղորդել ուսանողներին մասնագիտական կողմնորոշման հարցում, հագեցնել ուսանողների տեսական իմացությունը անոթային վիրաբուժության ոլորտում և զարգացնել գործնական հմտությունները։
Երկու օրվա ընթացքում թեմատիկ զեկույցներով հանդես եկան ապագա բժիշկները և անոթային վիրաբուժության գծով կլինիկական օրդինատորները։
Ուսանողների շրջանում մեծ հետաքրքրություն առաջացրեց կոնֆերանսի գործնական մասը, որի ընթաքում նրանք ականատես եղան իրական ժամանակում իրականացվող անոթակարի մանրամասն բացատրությանը և ծանոթացան վերջինիս հիմնական սկզբունքներին։
Միջոցառումն ամփոփվեց հարցերի փուլով, որը հաղթողին հնարավորություն ընձեռնվեց մասնակցել անոթակարի ցուցադրության պրակտիկ մասին։
Այսպիսով սկիզբ դրեց «Լանցետ»-ի կողմից իրականացվող մասնագիտական կողմնորոշմանը նպաստող գիտաժողովների շարքին, որոնք շարունակական են լինելու:
