Երևանի Մխիթար Հերացու անվան պետական բժշկական համալսարանի Հանրային առողջության ֆակուլտետը հայտարարում է «Առողջապահության ոլորտում իրավական կառավարումը» թեմայով հավաստագրային դասընթացի ընդունելություն: Դասընթացը ինտենսիվ ծրագիր է, որը նախատեսված է առողջապահության կազմակերպիչների, բժշկական հաստատությունների ադմինիստրացիայի, ավագ և միջին բուժաշխատողների, ինչպես նաև առողջապահության բնագավառում աշխատող իրավաբանների համար, որոնք նպատակ ունեն մասնագիտական գիտելիք ստանալ առողջապահության ոլորտի ՀՀ օրենսդրության վերաբերյալ, ձեռք բերել գործնական հմտություններ իրավական ակտերով նախատեսված կարգավորումները ներդնելու և կիրարկելու, բժշկական ծառայությունների մատուցման ոլորտում ծագող վեճերը կանխարգելելու և կառավարելու ոլորտում:
«Առողջապահության ոլորտում իրավական կառավարումը» հավաստագրային դասընթացը տրամադրում է.
- Առողջապահական իրավունքի, առողջապահության ոլորտում գործող օրենսդրության գիտելիք և հմտություններ․
- Բուժհաստատությունների գործունեության ընթացքում առաջացող իրավական և գործնական խնդիրների կանխարգելման և կառավարման վերաբերյալ գիտելիք և հմտություններ․
- Առողջապահության ոլորտում մարդու (պացիենտի) և բուժաշխատողների իրավունքների և պարտականությունների, առողջապահության ոլորտում սահմանված պատասխանատվության վերաբերյալ գիտելիք, ինչպես նաև գործնական խնդիրներ լուծելու ունակություններ․
- Գիտելիք և հմտություն կառավարման և մասնագիտական գործունեության ընթացքում դրսևորելու պատշաաճ իրավական վարքագիծ և խուսափելու կարգապահական, վարչական և քրեական պատասխանատվությունից առողջաապահության ոլորտում։
Ծրագրի բովանդակությունը
- ՀՀ առողջապահության ոլորտը կարգավորող օրենսդրության համակարգը, հիմնական իրավական ակտերը և իրավակարգավորումները.
- Բժշկական օգնության և սպասարկման իրականացման և կազմակերպման օրենսդրական հիմունքները․
- Բժշկական օգնություն և սպասարկում իրականացնողների (բժշկական հաստատությունների) բուժաշխատողների իրավունքներն ու պարտականությունները.
- Մասնագիտական էթիկայի կանոնների իրավակարգավորումը և պրակտիկան.
- Պացիենտի իրավունքները և պարտականությունները.
- Բժշկական օգնություն և սպասարկում իրականացնողների, բուժաշխատողների պատասխանատվությունը շրջանակը.
- Անձնական տվյալների պաշտպանությունը և բժշկական գաղտնիքը
- Բժշկական օգնություն և սպասարկում իրականացնողների, բուժաշխատողների պատասխանատվությունը:
Ծրագրի ավարտին տրամադրվում է հավաստագիր հաստատված ԵՊԲՀ-ի և ՀՀ ԱՆ-ի կողմից և ՇՄԶ 22 կրեդիտ (14 տեսական և 8 գործնական):
Մանրամասներ
- Տևողություն`2025թ. ապրիլի 25-ից (4 շաբաթ)
- Դասերի օրերը`ուրբաթ և շաբաթ՝ 16:00-19:00
- Մասնակիցների քանակը`մինչև 25
- Դասավանդման լեզուն`հայերեն
- Վայրը`Երևանի Մխիթար Հերացու անվան պետական բժշկական համալսարան
- Արժեքը՝ 50.000 ՀՀ դրամ (ԵՊԲՀ աշխատակիցների և օրդինատորների համար՝ 30.000 ՀՀ դրամ)
Թիրախային լսարան
- Բուժհաստատությունների ղեկավարներ և տնօրեններ
- Բժիշկներ
- Առողջապահական հիմնարկների աշխատակիցներ
- Առողջապահության ոլորտում աշխատող իրավաբաններ
Անհրաժեշտ փաստաթղթերի ցանկ՝
- Անձնագիր (բնօրինակը և պատճենը)
- Դիպլոմ (բնօրինակը և պատճենը)
- Աշխատանքի վայրից տեղեկանք (ԵՊԲՀ աշխատակիցների համար):
Ընդունելության գործընթաց
Դիմումների ընդունում՝ 03.04.2025 –25.04.2025
Հարցերի դեպքում դիմել ԵՊԲՀ հանրային առողջության ֆակուլտետի դեկանատ (ԵՊԲՀ, վարչական մասնաշենք, 3-րդ հարկ):
Հեռ: 010 301 000 (ներքին համար`308); 091 837 212:
