Քույրական գործի մասնագետների անգնահատելի աշխատանքը կարևորելով` Բուժքույրերի միջազգային օրվա առթիվ շնորհավորում ենք առողջապահական համակարգում անփոխարինելի տեղ զբաղեցնող մեր գործընկերներին:
Նրանց նվիրումով, հոգատարությամբ ու պատասխանատվությամբ լի աշխատանքն արժանի է բարձր գնահատանքի. ամենօրյա աշխատանքի շնորհիվ ապաքինվում են, բժշկական օգնություն և սպասարկում են ստանում տասնյակ պացիենտներ։
Բուժքույրի մասնագիտությունն ու դրա շարունակական կատարելագործումը բժշկական բուհի ուշադրության կենտրոնում է:
Վերջին շրջանում անցկացվող հավաստագրված կոնֆերանսների ընթացքում առանձին զեկույցներով հատուկ ուշադրություն է հատկացվում այս զարգացող մասնագիտությանը:
Քննարկվում և ներկայացվում է տարբեր երկրների փորձը, փոխանակման, կրթական ծրագրերի հնարավորությունը, համագործակցության հեռանկարները:
Սիրելի բուժքույրեր, սրտանց շնորհավորում եմ բոլորիդ:
Թող ձեր աշխատանքը միշտ արժևորվի, լինի գնահատված: Ձեր գործի մշտական ուղեկիցը թող լինեն առողջությունը, ուժն ու երջանկությունը:
Դուք ոչ միայն բուժում եք վերքերը, այլև ջերմությամբ և բարությամբ՝ ամոքում մարդկային հոգիները։ Համալսարանական հարկի ներքո դուք նաև կրթում եք ու օրինակ ծառայում ապագա մասնագտեների համար:
Շնորհակալություն ամեն օր մեր կողքին լինելու համար:
Արմեն Մուրադյան
ԵՊԲՀ ռեկտոր
