Բժշկական համալսարանի Կապույտ դահլիճը դեկտեմբերի 20-ին համախմբել էր հայ և արտասահմանցի ուսանողներին․ շուրջ 200 ապագա բժիշկ մասնակցում էր ԵՊԲՀ կարիերայի զարգացման կենտրոնի Սրտաբանական միության (YCS) և «Լանցետ» միջազգային վիրաբուժական ծրագրի համագործակցությամբ անցկացվող միջոցառմանը:
Միության հիմնադիր և նախագահ Մերլին Ջորջը ողջունեց ներկաներին, ինչին հաջորդեցին Օտարերկրյա ուսանողների հետ տարվող աշխատանքների բաժնի ղեկավար Ռահուլ Անիլ Սետհիի և Ֆիզիոլոգիայի ամբիոնի ավագ դասախոս Հերմինե Աբրահամյանի դասախոսությունները սիրտանոթային համակարգի անատոմիայի և ֆիզիոլոգիայի վերաբերյալ։
Ինտերակտիվ դասախոսությունները զուգորդվեցին «Լանցետ»-ի հմուտ թիմի կողմից խոզի աորտայի վրա գործնական հմտությունների ցուցադրմամբ:
Միջոցառումն առանձնացավ հետաքրքիր վիկտորինայով, որն օգնեց մասնակիցներին ամրապնդել իրենց գիտելիքը՝ պատրաստվելով գալիք քննություններին:
Ներկաները նաև ողջունեցին Կարիերայի զարգացման կենտրոնի սրտաբանական միության նորընտիր նախագահ Ռիտիկա Ռագուպատիին, փոխնախագահներ Իման Պերերային և Մինեսի Պերերային, ինչպես նաև խորհրդականներին, միջոցառման կազմակերպման և սոցիալական ցանցերի պատասխանատուներին, դիզայնի և հիմնական թիմերին։
Հանդիպման ավարտին բոլոր մասնակիցներին տրվեցին վկայականներ։
