Բուհի գրադարանը համալրվեց Եյլի համալսարանի բժշկական դպրոցի նյարդաբանության ամբիոնի պրոֆեսոր, ԵՊԲՀ այցելու պրոֆեսոր Ալին Հերլոպյանի հեղինակած «Էպիլեպսիայի վիրաբուժություն. գործնական դեպքերի վրա հիմնված մոտեցում» դասագրքով՝ նախատեսված այն սովորողների և մասնագետների համար, որոնք հետաքրքրված են այս հիվանդության կլինիկական դեպքերով:
Ինչպես նշեց հեղինակը, դասգիրքը բաղկացած է 4 հիմնական բաժնից, որտեղ նկարագրված է շուրջ 37 կլինիկական դեպք:
Գլուխները տրամադրում են դեպքի վրա հիմնված, ինտերակտիվ և բազմամասնագիտական ինտեգրացիոն տեղեկատվություն նախավիրահատական գնահատման, տվյալների վերլուծության և վիրաբուժական որոշումների կայացման համար:
Այս դասագիրքը սովորողներին և բժիշկներին հնարավորություն կտա էպիլեպսիայի վիրաբուժության մասին սպառիչ պատկերացում կազմել:
Ավելին, հեղինակի գնահատմամբ` դա անգնահատելի ռեսուրս կլինի էպիլեպսիայի ախտորոշման համար նախատեսված հետազոտության նախապատրաստման համար:
Գիրքը ստեղծվել է 4 տարվա ընթացքում: 2017 թվականից հեղինակն իր մասնագիտական գործունեությունը ծավալում է էպիլեպսիայի բուժման ուղղությամբ:
«Էպիլեպսիայի վիրաբուժություն. գործնական դեպքերի վրա հիմնված մոտեցում» դասգիրքը լույս է տեսել 2024 թվականին: Այն հասանալի է նաև առցանց:
Համալսարանի, համալսարանական հիվանդանոցների գործունեությամբ հետաքրքրված այցելու պրոֆեսորը հանդիպում ունեցավ նաև «Հերացի» հիվանդանոցի Նյարդաբանական ծառայություն ղեկավար Եկատերինա Հովհաննիսյանի հետ, քննարկեցին հետագա համագործակցության հետ կապված հարցեր:
