ԵՊԲՀ միասնական կլինիկական լաբորատոր ախտորոշիչ կենտրոնն արդեն իրականություն է:
«Միքայելյան» համալսարանական հիվանդանոցում տեղակայված այս կենտրոնում միավորված են համալսարանական երեք հիվանդանոցի լաբորատոր հետազոտությունները:
Կենտրոնի բացումը կարևոր է մեր երկրում, համալսարանական բուժհաստատություններում լաբորատոր բժշկության զարգացման տեսակետից:
Նորաբաց կենտրոնը հարթակ է, որը նպատակ ունի ունենալ այնպիսի ժամանակակից լաբորատորիա, որը թույլ կտա կատարել բոլոր հազվադեպ հանդիպող հետազոտությունները, համալրվել նոր ծառայություններով. առաջիկայում այստեղ նախաստվում է ունենալ պոլիմերազային շղթայական ռեակցիայի (ՊՇՌ) թեստավորում, գերհագեցված մանրէաբանական ծառայություն, կլինիկական, բիոքիմիական, սերոլոգիական` շճաբանական, հեմատոլոգիական և այլն:
Ճիշտ ախտորոշումից է կախված բուժման արդյունավետությունը, հենց այս տրամաբանությամն է ստեղծվում այս միասնական ախտորոշիչ կենտրոնը:
Համալսարանական ընտանիքի հերթական կարևոր ծրագրի արդյունքները տեսանելի կլինեն առաջիկայում ինչպես բուժանձնակազմերին, այնպես էլ պացիենտներին:
Պատասխանատուներին, ի դեմս Լաբորատորիայի վարիչ, ԵՊԲՀ կլինիկական լաբորատոր ախտորոշման ամբիոնի վարիչ, բ․գ․թ․, դոցենտ Զարուհի Գևորգյանի, մաղթում ենք ձեռքբերումներով լի ընթացք:
